ಮತ್ತೂಂದು ಪೆಲಿಕಾನ್‌ಸಾವು

ಭಾರತೀನಗರ (ಮಂಡ್ಯ): ಇಲ್ಲಿಗೆ ಸಮೀಪದ ಕೊಕ್ಕರೆ ಬೆಳ್ಳೂರು ಗ್ರಾಮದಲ್ಲಿ ಮತ್ತೂಂದು ಪೆಲಿಕಾನ್‌ ಹಕ್ಕಿ ಸಾವನ್ನಪ್ಪಿದೆ. ಇದರೊಂದಿಗೆ ಪಕ್ಷಿಗಳ ಸಾವಿನ ಸಂಖ್ಯೆ 34ಕ್ಕೇರಿದೆ. 

ದಿನದಿಂದ ದಿನಕ್ಕೆ ಪೆಲಿಕಾನ್‌ಗಳು ಅಸ್ವಸ್ಥಗೊಂಡು ಸಾವನ್ನಪ್ಪುತ್ತಿದ್ದರೂ, ಸಾವಿಗೆ ನಿಖರ ಕಾರಣ ಪತ್ತೆ ಹಚ್ಚಲು ಇದುವರೆಗೂ ಸಾಧ್ಯವಾಗಿಲ್ಲ. ಈ ಬಗ್ಗೆ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದು, ವನ್ಯಜೀವಿ, ಅರಣ್ಯ ಮತ್ತು ಪಶುವೈದ್ಯ ಇಲಾಖೆಯ ಅಧಿಕಾರಿಗಳು ಪೆಲಿಕಾನ್‌ ಕೊಕ್ಕರೆಗಳು ವಾಸಿಸುವ ಪ್ರತಿ ಮರದ ಬಳಿಯೂ ಖುದ್ದಾಗಿ ಹೋಗಿ ಅವುಗಳ ಈಗಿನ ಜೀವನ ಶೈಲಿ, ಕ್ರಿಯಾಶೀಲತೆ, ಕಸ ಸೇರಿದಂತೆ ಮತ್ತಿತರೆ ಬಗ್ಗೆ ಪರಿಶೀಲಿಸಬೇಕೆಂದು ಒತ್ತಾಯಿಸಿದ್ದಾರೆ.