The Moodie Davitt Report ಸಾಧಕರ ಪಟ್ಟಿಯಲ್ಲಿ ಮೈತ್ರೇಯಿ ಕಾರಂತ

ಉಡುಪಿ/ಕುಂದಾಪುರ: ಅಂತಾರಾಷ್ಟ್ರೀಯ ಸಂಸ್ಥೆ ಯಾದ ದಿ ಮೂಡೀ ಡೆವಿಟ್‌ ರಿಪೋರ್ಟ್‌ನ 2023ನೇ ಸಾಲಿನ ವಾರ್ಷಿಕ ಸಾಧಕರ ಪಟ್ಟಿಯಲ್ಲಿ ಕುಂದಾಪುರ ಮೂಲದ ದಿ| ಕೋ.ಮ. ಕಾರಂತರ ಪುತ್ರಿ ಮೈತ್ರೇಯಿ ಕಾರಂತ ಸ್ಥಾನ ಪಡೆದಿಕೊಂಡಿದ್ದಾರೆ.

ಮೈತ್ರೇಯಿ ಹಾಂಕಾಂಗ್‌ನಲ್ಲಿದ್ದುಕೊಂಡು ಕೋ.ಮ. ಕಾರಂತ ಫೌಂಡೇಶನ್‌ ಮೂಲಕ ಫಿಲಿಪೈನ್ಸ್‌ನ ಗ್ಲೋರಿಯಾ, ಓರಿಯಂಟಲ್‌ ಮಿಂಡೋರೋ ಪ್ರದೇಶದಲ್ಲಿ ಬಡ ಜನರ ಜೀವನ ಸುಧಾರಣೆ ಹಾಗೂ ಮನೆ ನಿರ್ಮಾಣಕ್ಕೆ ಸಹಕರಿಸುತ್ತಿದ್ದಾರೆ. ಇವರ ಸೇವಾ ಕಾರ್ಯ, ಸಮಾಜಮುಖಿತ ಚಟುವಟಿಕೆಗಳ ಗುರುತಿಸಿ ಈ ಸಂಸ್ಥೆಯು ಸಾಧಕರ ಪಟ್ಟಿಗೆ ಆಯ್ಕೆ ಮಾಡಿದೆ.

ಗಣಿತ ವಿಷಯದಲ್ಲಿ ಬೋಧಕರಾಗಿದ್ದ ಮೈತ್ರೇಯಿ ನಟಿ, ನಿರ್ಮಾಪಕಿ ಹಾಗೂ ಸ್ಟ್ಯಾಂಡ್ ಅಪ್‌ ಹಾಸ್ಯನಟಿಯೂ ಹೌದು. ಮಣಿಪಾಲದದ ಟ್ಯಾಪ್ಮಿಯಲ್ಲಿ ಶಿಕ್ಷಣ ಪಡೆದವರು.