Advertisement
ದೊಡ್ಡ ಮನುಷ್ಯರು ಅವರು ಮಾಡಿದ ಕೆಲಸದಿಂದ ಮಾತ್ರ ದೊಡ್ಡವರಾಗಿದ್ದಾರೆಂಬುದು ಎಲ್ಲರಿಗೂ ಗೊತ್ತು. ದೊಡ್ಡಮಟ್ಟದ ಯಶಸ್ಸಿಗೆ ಕಾರಣ ಸ್ಪಷ್ಟ ಗುರಿಯಾಗಿದೆ ಎಂದರು. ಚಹಾ ಮಾರುತ್ತಿದ್ದ ಸಾಮಾನ್ಯ ಮನುಷ್ಯ ದೇಶದ ಪ್ರಧಾನ ಮಂತ್ರಿಯಾದವರು ನರೇಂದ್ರ ಮೋದಿ. ಅವರು ಅಷ್ಟು ಎತ್ತರಕ್ಕೆ ಹೋಗಲು ಕಾರಣ ಆಗಿದ್ದು, ಅವರಲ್ಲಿದ್ದ ಗುರಿ.
Related Articles
Advertisement
ಸಾಕಷ್ಟು ಅವಕಾಶಗಳು ನಿಮ್ಮ ಮುಂದಿವೆ. ಕೆಲಸದ ಬಗ್ಗೆ ಚಿಂತಿಸಬೇಡಿ ಎಂದರು. ನಾನು ಕೈಗಾರಿಕಾ ಸಚಿವನಾಗಿದ್ದಾಗ 10.8 ಲಕ್ಷ ಕೋಟಿ ರೂ.ನ ಬಂಡವಾಳ ಹೂಡಿಕೆಗೆ ವೇದಿಕೆಮಾಡಿಕೊಟ್ಟೆ. ಇದರಿಂದ 15 ಲಕ್ಷ ಜನರು ಉದ್ಯೋಗ ಪಡೆದುಕೊಳ್ಳುವಂತಾಯಿತು. ಈಗಲೂ ಅಂತಹ ಅವಕಾಶ ಇವೆ.
ನೀವು ತಕ್ಕ ತರಬೇತಿ ಪಡೆದುಕೊಂಡು ಸನ್ನದ್ಧರಾಗಿ. ಮುಧೋಳ ಭಾಗದಲ್ಲಿ ನಮ್ಮ ಅನೇಕ ಕೈಗಾರಿಕೆಗಳಿವೆ. ನೀವು ಅಲ್ಲಿಗೆ ಬಂದು ತಕ್ಕ ತರಬೇತಿ ಪಡೆದುಕೊಳ್ಳಬಹುದು. ಅದು ಆಗಲ್ಲ ಎನ್ನುವುದಾದರೆ ಇಲ್ಲಿಗೇ ಸಂಪನ್ಮೂಲ ವ್ಯಕ್ತಿಗಳನ್ನು ಕರೆಯಿಸಿ, ತರಬೇತಿ ನೀಡಲು ವ್ಯವಸ್ಥೆ ಮಾಡುತ್ತೇನೆ ಎಂದು ಹೇಳಿದರು.
ಕಾಲೇಜು ಪ್ರಾಂಶುಪಾಲ ಡಾ| ಪಿ. ಪ್ರಕಾಶ್ ಅಧ್ಯಕ್ಷತೆ ವಹಿಸಿದ್ದರು. ಕಾಲೇಜಿನ ಅಧ್ಯಕ್ಷ ಜಿ.ಎಂ. ಲಿಂಗರಾಜು, ಬೆಂಗಳೂರು ನ್ಯೂವೇವ್ ಸಿನಿ ನಿರ್ದೇಶಕ ಬಿ.ಎಂ. ಗಿರಿರಾಜ್, ಮಾಜಿ ಶಾಸಕ ಬಿ.ಪಿ. ಹರೀಶ್, ಕೊಂಡಜ್ಜಿ ಜಯಪ್ರಕಾಶ್ ಇತರರಿದ್ದರು.