ಗಂಗೆಯ ಕಾಯುವ ಜೀವ

ಪುಟ್ಟ ಪುಟ್ಟ ಸೇವೆಯಲ್ಲಿಯೇ ಸ್ವಾಮಿ ಭಕ್ತಿ ಕಾಣುತ್ತಿದ್ದ ಈ ಜೀವ ಕಂಡಿದ್ದು, ಕೋಲ್ಕತ್ತಾದ ಬೇಲೂರು ಮಠದ ಆವರಣದಲ್ಲಿ. ಅಲ್ಲೊಂದು ಕುಡಿವ ನೀರಿನ ನಲ್ಲಿ ಇತ್ತು. ನೀರು ಕುಡಿದು, ನಲ್ಲಿಯನ್ನು ಬಂದ್‌ ಮಾಡದೇ, ಅವಸರದಿಂದ ಓಡುವ ಮಂದಿಯನ್ನೇ ಈ ಅಜ್ಜಿ ತನ್ನ ಮಬ್ಬು ದೃಷ್ಟಿಯಲ್ಲಿ ನೋಡುತ್ತಿದ್ದಳು. ಯಾರಾದರೂ ನಲ್ಲಿಯ ನೀರು ಬಿಟ್ಟು ಹಾಗೆಯೇ ಹೋದರೆ, ತಾನೇ ಎದ್ದು ಹೋಗಿ, ಅದನ್ನು ಬಂದ್‌ ಮಾಡುತ್ತಿದ್ದಳು. ನೀರು ಪೋಲು ಮಾಡಿದವರಿಗೆ ಏನೂ ಹೇಳದೇ, ತನ್ನ ಪಾಡಿಗೆ ತಾನು ಈ ಸೇವೆಯಲ್ಲಿ ಮುಳುಗಿದ್ದಳು.
-ಬೇಲೂರು ಮಠ, ಕೋಲ್ಕತ್ತಾ