ಪಟಾಕಿ ನಿಷೇಧ: ದೀಪಕ್ಕೂ ಇನ್ನು ಆಕ್ಷೇಪಿಸಬಹುದು

ಹೊಸದಿಲ್ಲಿ: ಎಲ್ಲಾ ಪಟಾಕಿಗಳೂ ವಾಯುಮಾಲಿನ್ಯ ಉಂಟು ಮಾಡುವುದಿಲ್ಲ. ನಾಳೆ ದಿನ ದೀಪಾವಳಿಯಂದು ದೀಪ ಹಚ್ಚುವುದಕ್ಕೂ ಯಾರಾದರೂ ಆಕ್ಷೇಪ ವ್ಯಕ್ತಪಡಿಸು ತ್ತಾರೆ. ಹೀಗೆಂದು ಆರೆಸ್ಸೆಸ್‌ ಪ್ರಧಾನ ಕಾರ್ಯದರ್ಶಿ ಸುರೇಶ್‌ ಭಯ್ನಾಜಿ ಜೋಶಿ ಹೇಳಿದ್ದಾರೆ. ಭೋಪಾಲ್‌ನಲ್ಲಿ ಅಖೀಲ ಭಾರತೀಯ ಕಾರ್ಯಕಾರಿಣಿ ಮಂಡಲ್‌ನ 3 ದಿನಗಳ ಸಭೆಯ ಸಮಾರೋಪದ ವೇಳೆ ವರದಿಗಾರರ ಜತೆ ಮಾತನಾಡುತ್ತಾ ಅವರು ಹೀಗೆ ಹೇಳಿದ್ದಾರೆ. ಪಟಾಕಿ ನಿಷೇಧಕ್ಕೂ ಕೋಮು ಬಣ್ಣ ಬಳಿಯುತ್ತಿರುವುದು ನೋವಿನ ವಿಷಯ ವಾಗಿದೆ ಎಂದು ಸುಪ್ರೀಂ ಕೋರ್ಟ್‌ ಅಭಿಪ್ರಾಯ ಪಟ್ಟ ಮರುದಿನವೇ ಆರ್‌ಎಸ್‌ಎಸ್‌ ಈ ರೀತಿ ಪ್ರತ್ಯುತ್ತರ ನೀಡಿದೆ. ಈ ವಿಚಾರವಾಗಿ ಸಮತೋಲಿತ ದೃಷ್ಟಿಕೋನದ ಅಗತ್ಯವಿದೆ ಎಂದು ಆರ್‌ಎಸ್‌ಎಸ್‌ ತಿಳಿಸಿದೆ. ಜತೆಗೆ ರೊಹಿಂಗ್ಯಾ ನಿರಾಶ್ರಿತರ ಗಡೀಪಾರು ನಿರ್ಧಾರವನ್ನು ಸಮರ್ಥಿಸಿಕೊಂಡಿದೆ.