ಗೀರು ಚಿತ್ರದ ಬಂಡೆ ಪತ್ತೆ

ಚಿತ್ರದುರ್ಗ: ತಾಲೂಕಿನ ಹುಣಸೇಕಟ್ಟೆ ಗ್ರಾಮದಲ್ಲಿ ಪ್ರಭು ಮತ್ತಿತರರ ಸಹಕಾರದಿಂದ ಕವಿ ಸಣ್ಣಗೌಡ್ರು ನಾಗರಾಜ ಅವರು ಪ್ರಾಚೀನ ಕಾಲದ ಗೀರು ಚಿತ್ರಗಳಿರುವ ಬಂಡೆಗಳನ್ನು ಪತ್ತೆ ಮಾಡಿದ್ದಾರೆ. ಕಲ್ಲಿನಿಂದ ಕುಟ್ಟಿ ಗೀರಿ ಹಸು, ಗೂಳಿ, ಅಳೆಗುಳಿ ಆಟದ ಚಿತ್ರ ಬಿಡಿಸಲಾಗಿದೆ.

ಇವು ಪ್ರಾಚೀನ ಕಾಲದ ಮಾನವನ ಬದುಕನ್ನು ನಿರೂಪಿಸುತ್ತವೆ. ಬಿಸಿಲು, ಮಳೆ, ಜನ ಜಾನುವಾರುಗಳ ದಾಳಿಯಿಂದಾಗಿ ಈ ಗೀರು ಚಿತ್ರಗಳು ನಶಿಸುವ ಹಂತದಲ್ಲಿವೆ. ಪುರಾತತ್ವ ಇಲಾಖೆ ವೈಜ್ಞಾನಿಕ ಅಧ್ಯಯನ ನಡೆಸಿ ಇವುಗಳ ಕಾಲವನ್ನು ತಿಳಿಸಿ ಸಂರಕ್ಷಿಸಬೇಕೆಂದು ಶಿಲಾ ಶಾಸನ ಸ್ಮಾರಕಗಳ ಉಳಿವಿಗಾಗಿ ಶ್ರಮಿಸುತ್ತಿರುವ ನಾಗರಾಜ ಒತ್ತಾಯಿಸಿದ್ದಾರೆ.