ಪ್ರೀತಿಯ ವಿಚಾರಕ್ಕೆ ಕುಟುಂಬದ ಮೇಲೆ ಹಲ್ಲೆ

ಪಿರಿಯಾಪಟ್ಟಣ: ಯುವತಿಯ ಪ್ರೀತಿ ವಿಚಾರದಲ್ಲಿ ಯುವಕನ ಮನೆಯವರಿಗೆ ಹಲ್ಲೆಮಾಡಿ 5 ಮಂದಿ ಆಸ್ಪತ್ರೆಯಲ್ಲಿ ದಾಖಲಾಗಿರುವ ಘಟನೆ ನಡೆದಿದೆ. ತಾಲೂಕಿನ ಚನ್ನಕಲ್ಲುಕಾವಲು ಗ್ರಾಮದ ಮೂಡಲಯ್ಯ, ಪುಟ್ಟಗೌರಮ್ಮ, ಚಂದನ್‌, ಕವಿತಾ, ಶಶಿಕುಮಾರ್‌ ಎಂಬುವವರೆ ಹಲ್ಲೆಗೊಳಗಾದವರಾಗಿದ್ದಾರೆ.

ಇದೇ ಗ್ರಾಮದ ನಿಂಗರಾಜು ಎಂಬುವರ ಮಗಳನ್ನು ಪ್ರೀತಿಸುತ್ತಿದ್ದು. ಈ ವಿಚಾರಕ್ಕೆ ಇಬ್ಬರ ಮನೆಯವರಿಗೂ ಗಲಾಟೆ ನಡೆದು ಬೆಟ್ಟಪುರ ಪೊಲೀಸ್‌ ಠಾಣೆಯಲ್ಲಿ ಮುಚ್ಚಳಿಕೆ ಬರೆಸಲಾಗಿತ್ತು. ಆದಾಗಿಯೂ ಮಾ.27ರ ರಾತ್ರಿ 7.30ರಲ್ಲಿ ಅನಿತಾರ ಸಂಬಂಧಿಕರು ಚಂದನ್‌ ಮನೆಗೆ ಬಂದು ಅವ್ಯಚ್ಯಶಬ್ದಗಳಿಂದ ನಿಂದಿಸಿದ್ದಲ್ಲದೆ ಮನೆಯವರಿಗೆ ಹಲ್ಲೆ ಮಾಡಿ ಕೊಲೆಬೆದರಿಕೆ ಹಾಕಿದ್ದಾರೆ ಎಂದು ಚಂದನ್‌ ಪೊಲೀಸರಿಗೆ ದೂರು ನೀಡಿದ್ದಾರೆ.

ಚಂದನ್‌ತಂದೆ ಮೂಡಲಯ್ಯ, ಚಂದನ್‌, ಶಶಿಕುಮಾರ್‌ ಇವರುಗಳಿಗೆ ದೊಣ್ಣೆ, ಸ್ಟೀಲ್‌ ಬಕೇಟ್‌ನಿಂದ ಹಲ್ಲೆ ನಡೆಸಿದ್ದರಿಂದ ತಲೆಗೆ ಪೆಟ್ಟಾಗಿ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇವರೊಂದಿಗೆ ತಾಯಿ ಪುಟ್ಟಗೌರಮ್ಮ, ಅಕ್ಕ ಕವಿತಾ ಕೂಡ ಆಸ್ಪತ್ರೆಯಲ್ಲಿ ದಾಖಲಾಗಿದ್ದು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಈ ಘಟನೆಗೆ ಸಂಬಂಧಿಸಿದಂತೆ ಬಸವರಾಜು, ನಟರಾಜ, ಸಚಿನ್‌, ನಿಂಗರಾಜು, ಮಂಜ, ದಿನೇಶ್‌, ಕುಳ್ಳಯ್ಯ, ಲಕ್ಷ್ಮೀ, ಗೋವಿಂದ, ಸ್ವಾಮಿ, ಜಯರಾಜು, ಶಾರದ ಎಂಬ 13 ಮಂದಿಯ ಮೇಲೆ ಪೊಲೀಸರು ಎಫ್ಐಆರ್‌ ದಾಖಲಿಸಿದ್ದಾರೆ. ಈ ಸಂಬಂಧ ಬೆಟ್ಟದಪುರ ಪೊಲೀಸ್‌ಠಾಣೆಯಲ್ಲಿ ದೂರುದಾಖಲಾಗಿದ್ದು ಪೊಲೀಸರು ತನಿಖೆ ಕೈಗೊಂಡಿದ್ಧಾರೆ.