ಮತ ಚಲಾಯಿಸಿದ ಗಣ್ಯರು

ಬೆಂಗಳೂರು: ಪದ್ಮನಾಭನಗರ ಕ್ಷೇತ್ರದ ಶಾಸಕ ಆರ್‌.ಅಶೋಕ್‌ ಅವರು ಕುಟುಂಬ ಸಮೇತ ಆಗಮಿಸಿ ಜಾಲಹಳ್ಳಿಯ ಮತಗಟ್ಟೆಯಲ್ಲಿ ಮತ ಚಲಾಯಿಸಿದರು. ಐಡಿಯಲ್‌ ಹೋಮ್ಸ್‌ ಬಡಾವಣೆಯ ಮೌಂಟ್‌ ಕಾರ್ಮೆಲ್‌ ಸ್ಕೂಲ್‌ನ ಮತಗಟ್ಟೆಯಲ್ಲಿ ಹೆಚ್ಚಿನ ಗಣ್ಯರು ಮತ ಚಲಾಯಿಸಿದರು.

ಕವಿ ಸಿದ್ದಲಿಂಗಯ್ಯ, ನಟರಾದ ಗಣೇಶ್‌, ಸುಚೇಂದ್ರ ಪ್ರಸಾದ್‌ ಹಾಗೂ ಅವಿನಾಶ್‌ ದಂಪತಿ ಸಮೇತವಾಗಿ ಮತ ಚಲಾಯಿಸಿದರು. ಜತೆಗೆ ನಟಿ ಪವಿತ್ರಾ ಲೋಕೇಶ್‌ ಸಹ ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಿದರು. 

ಜೆಡಿಎಸ್‌ ಅಭ್ಯರ್ಥಿ ರಾಮಚಂದ್ರ ಅವರು ಕುಟುಂಬ ಸಮೇತವಾಗಿ ಕ್ಷೇತ್ರದ ಬಿಇಟಿ ಕಾನ್ವೆಂಟ್‌ ಸ್ಕೂಲ್‌ನಲ್ಲಿ ಮತ ಚಲಾಯಿಸಿದರು. ಈ ವೇಳೆ ಪತ್ನಿ, ಪುತ್ರ ಜಗದೀಶ್‌ ಹಾಗೂ ಸೊಸೆ ಅಮೂಲ್ಯ ಜತೆಯಲ್ಲಿದ್ದರು. ಇದರೊಂದಿಗೆ ನಟಿ ಕಾರುಣ್ಯ ರಾಮ್‌ ಅವರು ಇದೇ ಮೊದಲ ಬಾರಿಗೆ ಮತದಾನ ಮಾಡಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದರು.