ಶ್ರೀಕಂಠೇಶ್ವರ ದೇಗುಲದ ಆನೆ ಗೌರಿಗೆ ಅನಾರೋಗ್ಯ

ನಂಜನಗೂಡು: ರಾಜ್ಯದ ಪ್ರಸಿದ್ಧ ಧಾರ್ಮಿಕ ಕೇಂದ್ರವಾಗಿರುವ ಇಲ್ಲಿನ ಶ್ರೀಕಂಠೇಶ್ವರ ದೇವಾಲಯದ (ಪಟ್ಟದ ಆನೆ) ಆನೆ ಗೌರಿ ತೀವ್ರ ಅನಾರೋಗ್ಯಕ್ಕೀಡಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಭವರೋಗ ವೈದ್ಯನೆಂದೇ ಪ್ರಖ್ಯಾಥವಾದ ಹಕೀಂ ನಂಜುಂಡ ಅವರ ಈ ಆನೆಯನ್ನು ಮೂರು ತಿಂಗಳುಗಳ ಕಾಲ ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿನ ವನ್ಯಜೀವಿ ಸಂರಕ್ಷಣಾ ಮತ್ತು ಪುನರ್‌ ವಸತಿ ಕೇಂದ್ರಕ್ಕೆ ರವಾನಿಸಲು ಜಿಲ್ಲಾಧಿಕಾರಿ ಅನುಮತಿಯ ಮೇರೆಗೆ ದೇವಾಲಯದ ಆಡಳಿತ ವರ್ಗ ಈಗಾಗಲೇ ಕ್ರಮ ಜರುಗಿಸಿದೆ.

ಶುಕ್ರವಾರ ಆನೆಯ ಮಾವುತರಾದ ಪ್ಯಾರಜಾನ್‌ ಹಾಗೂ ಬಶೀರ್‌ ಗಡೇಕಾರ್‌ರವರೊಂದಿಗೆ ಆನೆಯನ್ನು ಬೆಂಗಳೂರಿನ  ವನ್ಯಜೀವಿ ಸಂರಕ್ಷಣಾ ಮತ್ತು ಪುನರ್‌ ವಸತಿ ಕೇಂದ್ರ ಸೂಚಿಸಿರುವ ಮಾಲೂರಿಗೆ ಒಯ್ಯಲಾಗಿದೆ ಎಂದು ದೇವಾಲಯ ಕಾರ್ಯನಿರ್ವಾಹಕ ಅಧಿಕಾರಿ ಶಿವಕುಮಾರಸ್ವಾಮಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.