Balrampur: ಛತ್ತಿಸ್‌ಗಢದಲ್ಲಿ ಮತ್ತೊಂದು ಆನೆ ಸಾವು: 6 ತಿಂಗಳಲ್ಲಿ 80 ಆನೆಗಳ ದುರ್ಮರಣ

ಬಲರಾಂಪುರ: ಮಧ್ಯಪ್ರದೇಶದಲ್ಲಿ ಆನೆಗಳ ಸಾವಿನ ಪ್ರಕರಣ ನಡುವೆಯೇ ಛತ್ತಿಸ್‌ಗಢದ ಬಲರಾಂಪುರ ಜಿಲ್ಲೆಯ ಭತ್ತದ ಗದ್ದೆಯೊಂದರಲ್ಲಿ ಆನೆಯೊಂದರ ಮೃತದೇಹ ಪತ್ತೆಯಾಗಿದೆ.

ಗ್ರಾಮದ ವಡ್ರಾಫ್ನಗರ್‌ ಅರಣ್ಯ ವ್ಯಾಪ್ತಿಯಲ್ಲಿ ಗಂಡು ಆನೆ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಆದರೆ, ಸಾವಿಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಸ್ಥಳಕ್ಕೆ ಪಶುವೈದ್ಯರ ತಂಡ ಭೇಟಿ ಕೊಟ್ಟಿದ್ದು, ಮರಣೋತ್ತರ ಪರೀಕ್ಷೆ ನಡೆಸಿದ್ದಾರೆ. 6 ತಿಂಗಳಲ್ಲಿ ಕಾಯಿಲೆ, ವಿದ್ಯುತ್‌ ಶಾಕ್‌ನಿಂದಾಗಿ 80 ಆನೆಗಳು ಸಾವಿಗೀಡಾಗಿವೆ.