ಪಾಕ್‌ ಬೌಲರ್‌ಗಳ ಮೇಲುಗೈ

ರಾವಲ್ಪಿಂಡಿ: ದಶಕದ ಬಳಿಕ ತವರಲ್ಲಿ ಟೆಸ್ಟ್‌ ಸಂಭ್ರಮ ಆಚರಿಸುತ್ತಿರುವ ಪಾಕಿಸ್ಥಾನ, ಪ್ರವಾಸಿ ಲಂಕಾ ವಿರುದ್ಧ ಮೊದಲ ದಿನದಾಟದಲ್ಲಿ ಮೇಲುಗೈ ಸಾಧಿಸಿದೆ. ಬೆಳಕಿನ ಅಭಾವದಿಂದ ದಿನದಾಟ 68.1 ಓವರ್‌ಗಳಿಗೆ ಕೊನೆಗೊಂಡಾಗ ಶ್ರೀಲಂಕಾ 5 ವಿಕೆಟಿಗೆ 202 ರನ್‌ ಮಾಡಿತ್ತು.

ದಿಮುತ್‌ ಕರುಣರತ್ನೆ (59), ಒಶಾದ ಫೆರ್ನಾಂಡೊ (40) ಸೇರಿಕೊಂಡು ಲಂಕೆಗೆ ಉತ್ತಮ ಆರಂಭವನ್ನೇ ಒದಗಿಸಿದರು. ಮೊದಲ ವಿಕೆಟಿಗೆ 96 ರನ್‌ ಒಟ್ಟುಗೂಡಿತು. ಆದರೆ ಈ ಜೋಡಿ ಬೇರ್ಪಟ್ಟ ಬಳಿಕ ಆತಿಥೇಯ ಬೌಲರ್‌ಗಳು ಘಾತಕ ಪ್ರದರ್ಶನವಿತ್ತರು. 93 ರನ್‌ ಅಂತರದಲ್ಲಿ 5 ವಿಕೆಟ್‌ ಹಾರಿಹೋಯಿತು. 38 ರನ್‌ ಮಾಡಿರುವ ಧನಂಜಯ ಡಿ ಸಿಲ್ವ ಕ್ರೀಸಿನಲ್ಲಿದ್ದಾರೆ.