ಕಣ್ಮರೆಯಾದ ನಕಾಶೆ

ನಕಾಶೆ ಅಂದರೆ ಹಿಂದಿನಿಂದಲೂ ಮನುಷ್ಯನಿಗೆ ಅದೇನೋ ಕುತೂಹಲ. ಬಹಳ ಹಿಂದಿನ ಕಾಲದಲ್ಲಿ ಸಮುದ್ರಯಾನ ಮಾಡುತ್ತಿದ್ದ ನಾವಿಕರಿಗೆ ದಾರಿದೀಪವಾಗಿದ್ದು ಇದೇ ನಕಾಶೆ. ನಿಧಿ ಅವಿತಿಡಲು, ನಿಧಿ ಪತ್ತೆ ಹಚ್ಚಲು ಅಗತ್ಯವಾಗಿ ಬೇಕಾ ಗಿದ್ದೇ ನಕಾಶೆ. ರಾಜ್ಯ- ದೇಶ ಗಳ ಗಡಿ, ವ್ಯಾಪ್ತಿ, ವಿಸ್ತಾರವೆಲ್ಲವನ್ನೂ ನಕಾಶೆಗಳು ತಿಳಿಸುತ್ತಿದ್ದವು. ಇದೀಗ, ಗೂಗಲ್‌ ಮ್ಯಾಪು, ಸ್ಯಾಟಲೆ„ಟ್‌ ನ್ಯಾವಿ  ಗೇಷನ್‌ ಮತ್ತಿತರೆ ತಂತ್ರಜ್ಞಾನಗಳು ನಕಾಶೆಯ ಸ್ಥಾನವನ್ನು ತುಂಬಿವೆ.

ಹಿಂದೆಲ್ಲಾ  ನಗರಗಳ ನಕಾಶೆಯನ್ನು ಬಸ್‌ ಸ್ಟಾಂಡು, ಪುಸ್ತಕ ಮಳಿಗೆಗಳಲ್ಲಿ ಮಾರಾಟ ಮಾಡಲಾಗುತ್ತಿತ್ತು. ಪಾಕೆಟ್‌ ನಲ್ಲಿ ಇಡಬಹುದಾಗಿದ್ದ ಆ ಕಾಗದದ ನಕಾಶೆಯನ್ನು ಬಿಡಿಸಿದರೆ, ನಗ ರದ ಚಿತ್ರಣ ಕಣ್ಮುಂದೆ ತೆರೆದು ಕೊಳ್ಳುತ್ತಿತ್ತು. ಈಗ, ಸ್ಮಾರ್ಟ್‌ ಫೋನಿನಲ್ಲಿ ಪ್ರಪಂಚದ ಯಾವುದೇ  ಮೂಲೆಯನ್ನೂ ಕ್ಷಣ ಮಾತ್ರದಲ್ಲಿ ವೀಕ್ಷಿಸಬಹುದು. ಅಲ್ಲಿನ ಸರ್ಚ್‌ ಬಾಕ್ಸ್‌ ನಲ್ಲಿ ಸ್ಥಳದ ಹೆಸರನ್ನು ಟೆ„ಪ್‌ ಮಾಡಿದರೆ ಸಾಕು;

ನಕಾಶೆ ಝೂಮ್‌ ಇನ್‌ ಆಗಿ ಆ ಸ್ಥಳದ ಚಿತ್ರ  ಬಳಕೆದಾರನ ಕಣ್ಮುಂದೆ  ಇರುತ್ತದೆ. ಅದರಲ್ಲಿ ದಾರಿ ಮಾತ್ರವಲ್ಲ, ಮನೆಗಳು, ಅಂಗಡಿ ಮಳಿಗೆಗಳು, ಪ್ರವಾಸಿ ತಾಣ ಗಳು, ರೈಲು-ಬಸ್‌ ವೇಳಾಪಟ್ಟಿ ಹೀಗೆ ಎಲ್ಲವೂ ನಮೂದಾಗಿರು ತ್ತದೆ. ಆದರೂ, ಕಾಗದದ ನಕಾಶೆ ಬಿಡಿಸಿದಾಗ ಸಿಗುತ್ತಿದ್ದ ಖುಷಿ ಡಿಜಿಟಲ್‌ ನಕಾಶೆ  ನೋಡಿದಾಗ ಸಿಗದು.