ದಲಿತ ಕುಟುಂಬಕ್ಕೆ ಸಿಕ್ಕಿತು ಶ್ರೀರಾಮನ ಮೊದಲ ಪ್ರಸಾದ

ತಿರುವನಂತಪುರ/ಲಕ್ನೋ: ಅಯೋಧ್ಯೆ ಭೂಮಿಪೂಜೆ ನಂತರ ಶ್ರೀರಾಮನ ಸನ್ನಿಧಾನದ ಮೊದಲ ಪ್ರಸಾದವನ್ನು ದಲಿತ ಕುಟುಂಬ ಸ್ವೀಕರಿಸಿದೆ. ಅಯೋಧ್ಯೆಯ ಸುತತಿ ಬಡಾವಣೆಯಲ್ಲಿ ವಾಸವಿರುವ ಮಹಾವೀರ್‌ ಕುಟುಂಬ ರಾಮಪ್ರಸಾದ ವನ್ನು ಪಡೆದಿದೆ. ನಾನೊಬ್ಬ ದಲಿತ. ಸಿಎಂ ನನಗೆ ಮತ್ತು ನನ್ನ ಕುಟುಂಬಕ್ಕೆ ಮೊದಲ ಪ್ರಸಾದವನ್ನು ಕಳಿಸಿಕೊಟ್ಟಿದ್ದಾರೆ. ನನ್ನನ್ನು ನೆನಪಿಸಿಕೊಂಡಿ ದ್ದಕ್ಕೆ ನಾನು ಅವರಿಗೆ ಕೃತಜ್ಞ ಎಂದು ಮಹಾವೀರ್‌ ಹರ್ಷ ವ್ಯಕ್ತಪಡಿಸಿದ್ದಾರೆ.

ಕೇರಳ ಹುಳುಕು: ಭೂಮಿಪೂಜೆ ಸಂಭ್ರಮದ ಲಡ್ಡು ವಿತರಣೆಯಲ್ಲೂ ಪಿಣರಾಯ್‌ ವಿಜ ಯನ್‌ ನೇತೃತ್ವದ ಕೇರಳ ಸರಕಾರ ಹುಳುಕು ತೆಗೆದಿದೆ. ಎರ್ನಾಕುಲಂ ಜಿಲ್ಲೆಯ ಮುವಾ ಟ್ಟುಪುಝಾ ಠಾಣೆಯಲ್ಲಿ ಲಡ್ದು ಪ್ರಸಾದ ವನ್ನು ಹಂಚಲಾಗಿತ್ತು. ಈ ಬಗ್ಗೆ ತನಿಖೆ ಕೈಗೊಳ್ಳಲು ಎಸ್ಪಿ ಕಚೇರಿ ನಿರ್ಧರಿಸಿದೆ.

ಮುಂದಿನ ಅಜೆಂಡಾ ಮಥುರಾ, ಕಾಶಿ ಅಯೋಧ್ಯೆ ನಂತರ ಕಾಶಿ, ಕೃಷ್ಣಜನ್ಮಭೂಮಿ ಮಥುರಾವನ್ನು ಸ್ವತಂತ್ರಗೊಳಿಸುವ ಅಜೆಂಡಾವನ್ನು ಅಖೀಲ ಭಾರತೀಯ ಅಖಾರ ಪರಿಷತ್‌ (ಎಬಿಎಪಿ) ರೂಪಿಸಿದೆ. ಈ ಆಂದೋಲನ ಕುರಿತು ಚರ್ಚಿಸಲು ಶೀಘ್ರದಲ್ಲೇ ಸಭೆ ನಡೆಯಲಿದೆ. ಎಬಿಎಪಿ, ಸಂತರು- ದಾರ್ಶನಿಕರನ್ನೊಳಗೊಂಡ ಅತ್ಯುನ್ನತ ಧಾರ್ಮಿಕ ಸಂಸ್ಥೆ. ಮಥುರಾವನ್ನು ಮುಕ್ತಗೊಳಿಸಲು 16 ರಾಜ್ಯ ಗಳ 80 ಸಂತರನ್ನೊಳಗೊಂಡ ಕೃಷ್ಣ ಜನ್ಮಭೂಮಿ ಟ್ರಸ್ಟ್ ಈಗಾಗಲೇ ಸ್ಥಾಪನೆಯಾಗಿದೆ. ರಾಮಜನ್ಮಭೂಮಿಯ ಬಳಿಕ ಕಾಶಿ ಮತ್ತು ಮಥುರಾದಲ್ಲೂ ಸನಾತನ ಧರ್ಮದ ಧ್ವಜ ಹಾರಿಸುತ್ತೇವೆ ಎಂದು ಎಬಿಎಪಿ ಮಹಾಂತ ನರೇಂದ್ರ ಗಿರಿ ತಿಳಿಸಿದ್ದಾರೆ.