ಮಲ್ಯ ವಿರುದ್ಧ ಶೀಘ್ರ ಹೊಸ ಆರೋಪಪಟ್ಟಿ

ಹೊಸದಿಲ್ಲಿ:  ಭಾರತೀಯ ಬ್ಯಾಂಕುಗಳಿಂದ ಕೋಟ್ಯಂತರ ರೂ. ಸಾಲ ಪಡೆದು ಮರುಪಾವತಿಸದೇ ವಿದೇಶದಲ್ಲಿ ತಲೆಮರೆಸಿಕೊಂಡಿರುವ ಉದ್ಯಮಿ ವಿಜಯ್‌ ಮಲ್ಯ ವಿರುದ್ಧ ಇನ್ನೊಂದು ತಿಂಗಳಲ್ಲಿ ಸಿಬಿಐ ಹೊಸತೊಂದು ಆರೋಪ ಪಟ್ಟಿ ಸಲ್ಲಿಸ‌ಲಿದ್ದು, ಇದರಲ್ಲಿ ಮಲ್ಯರಿಗೆ ಸಾಲ ನೀಡಿದ ವಿವಿಧ ಬ್ಯಾಂಕುಗಳ ಅಧಿಕಾರಿಗಳನ್ನೂ ಸಹ ಆರೋಪಿಗಳೆಂದು ಹೆಸರಿಸುವ ಸಾಧ್ಯತೆಯಿದೆ.
ಹಾಗಾದಲ್ಲಿ, ಮಲ್ಯರ ವಿರುದ್ಧ ಪ್ರಕರಣ ಹೂಡಿರುವ ಭಾರತೀಯ ಸ್ಟೇಟ್‌ ಬ್ಯಾಂಕ್‌ ನೇತೃತ್ವದ 17 ಬ್ಯಾಂಕುಗಳ ಒಕ್ಕೂಟದ ಅಧಿಕಾರಿಗಳ ವಿರುದ್ಧವೇ ಆರೋಪಪಟ್ಟಿ ಸಲ್ಲಿಕೆ ಆಗುತ್ತಿರುವುದು ಈ ಪ್ರಕರಣದಲ್ಲಿ ಇದೇ ಮೊದಲೆನಿಸಲಿದೆ.