Advertisement
ಈ ಮೂಲಕ ಅತಂತ್ರ ವಿಧಾನ ಸಭೆಯಿಂದಾಗಿ ಮೂಡಿದ್ದ ರಾಜ ಕೀಯ ಅನಿಶ್ಚಿತತೆಗೆ ತೆರೆ ಬಿದ್ದಂತಾ ಗಿದೆ. ಆದರೆ, ಈ ಬೆಳವಣಿಗೆಯಿಂದ ಕಾಂಗ್ರೆಸ್‌ನೊಳಗಿದ್ದ ಅಸಮಾಧಾನ ಸ್ಫೋಟವಾಗಿದ್ದು, ಹೈಕಮಾಂಡ್‌ ವಿರುದ್ಧ ಸ್ಥಳೀಯ ನಾಯಕರು ತಿರುಗಿ ಬೀಳುವಂತೆ ಮಾಡಿದೆ.
ರುವ ವಿಶ್ವಜಿತ್‌, ಬಹುಮತ ಬಂದರೂ ಸರಕಾರ ರಚಿಸುವಲ್ಲಿ ವಿಫ‌ಲವಾದ ಕಾಂಗ್ರೆಸ್‌ ನಾಯಕತ್ವದ ವಿರುದ್ಧ ಕಿಡಿಕಾರಿದ್ದಾರೆ. ಜತೆಗೆ, ಹೈಕಮಾಂಡ್‌ನ ನಿಲುವಿಗೆ ಬೇಸತ್ತು ರಾಜೀನಾಮೆ ನೀಡುತ್ತಿರುವುದಾಗಿಯೂ ಹೇಳಿದ್ದಾರೆ. ಏತನ್ಮಧ್ಯೆ, ಎನ್‌ಸಿಪಿ ಶಾಸಕ ಚರ್ಚಿಲ್‌ ಅಲೆಮಾವೋ ಅವರೂ ಬಿಜೆಪಿ ಪರ ಮತ ಚಲಾಯಿಸಿದ್ದು, ಈ ಹಿನ್ನೆಲೆಯಲ್ಲಿ ಅವರಿಗೆ ಎನ್‌ಸಿಪಿ ಷೋಕಾಸ್‌ ನೋಟಿಸ್‌ ಜಾರಿ ಮಾಡಿದೆ. ಕಾಂಗ್ರೆಸ್‌ ಬಗ್ಗೆ ವ್ಯಂಗ್ಯ: ವಿಶ್ವಾಸಮತ ಸಾಬೀತಿನ ಬಳಿಕ ಮಾತನಾಡಿದ ಸಿಎಂ ಪಾರೀಕರ್‌, ಕಾಂಗ್ರೆಸ್‌ ಬಳಿ ಬಹುಮತಕ್ಕೆ ಬೇಕಾದ ಸಂಖ್ಯೆಯೇ ಇರಲಿಲ್ಲ. ಗೋವಾ ಉಸ್ತುವಾರಿ ದಿಗ್ವಿಜಯ್‌ ಸಿಂಗ್‌ರನ್ನು ಕಿತ್ತುಹಾಕಬೇಕೆಂಬ ಒತ್ತಾಯಗಳು ಕೇಳಿಬಂದಿದ್ದರಿಂದ ಕಾಂಗ್ರೆಸ್‌ ಸುಖಾಸುಮ್ಮನೆ ತಮಗೆ ಶಾಸಕರ ಬೆಂಬಲವಿದೆ ಎಂದು ನಾಟಕವಾಡಿತು. ನೀವು ಕೆಲಸ ಮಾಡುವ ಬದಲು ಗೋವಾಗೆ ಕೇವಲ ಎಂಜಾಯ್‌ ಮಾಡಲು ಬಂದಾಗ ಇಂಥದ್ದೆಲ್ಲ ಆಗುತ್ತದೆ ಎಂದು ವ್ಯಂಗ್ಯವಾಡಿದ್ದಾರೆ.