ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌: ಬೌಲ್ಟ್ -ರೋಹಿತ್‌ ಮುಖಾಮುಖೀಗೆ ಕಾತರ : ಸೆಹವಾಗ್‌

ಹೊಸದಿಲ್ಲಿ: ಬಹು ನಿರೀಕ್ಷಿತ ಐಸಿಸಿ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ ಪಂದ್ಯದಲ್ಲಿ ರೋಹಿತ್‌ ಶರ್ಮ-ವೇಗಿ ಟ್ರೆಂಟ್‌ ಬೌಲ್ಟ್ ನಡುವಿನ ಹಣಾಹಣಿಯನ್ನು ಎದುರು ನೋಡುತ್ತಿರುವುದಾಗಿ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹವಾಗ್‌ ಹೇಳಿದ್ದಾರೆ.

“ಭಾರತದ ಬ್ಯಾಟ್ಸ್‌ಮನ್‌ಗಳಿಗೆ ಬೌಲ್ಟ್, ಟಿಮ್‌ ಸೌಥಿ ಜೋಡಿ ದೊಡ್ಡ ಸವಾಲು ಒಡ್ಡಬಹುದು. ಅದರಲ್ಲಿಯೂ ಐಪಿಎಲ್‌ನಲ್ಲಿ ಒಂದೇ ತಂಡದ ಪರ ಆಡುತ್ತಿರುವ ಬೌಲ್ಟ್ ಮತ್ತು ರೋಹಿತ್‌ ಮುಖಾಮುಖೀ ನೋಡಲು ಕಾತರನಾಗಿದ್ದೇನೆ. ರೋಹಿತ್‌ ನೆಲಕಚ್ಚಿ ನಿಂತು, ಬೌಲ್ಟ್ ಅವರ ಆರಂಭಿಕ ಸ್ಪೆಲ್‌ ಎದುರಿಸುವುದನ್ನು ಕಾಣುವುದು ಸೊಗಸಾಗಿರುತ್ತದೆ’ ಎಂದು ಸೆಹವಾಗ್‌ ಹೇಳಿದ್ದಾರೆ.

“ಇದೇ ಮೊದಲ ಬಾರಿಗೆ ಇಂಗ್ಲೆಂಡ್‌ನ‌ಲ್ಲಿ ಟೆಸ್ಟ್‌ ಆರಂಭಿಕನಾಗಿ ರೋಹಿತ್‌ ಕಣಕ್ಕಿಳಿಯುತ್ತಿದ್ದಾರೆ. ಆದರೆ ಕಳೆದ ಏಕದಿನ ವಿಶ್ವಕಪ್‌ನಲ್ಲಿ ತೋರಿದ ಪ್ರದರ್ಶನ ಮತ್ತು 2014ರ ಪ್ರವಾಸದ ಅನುಭವ ಅವರಿಗೆ ನೆರವಾಗಲಿದೆ’ ಎಂದು ವೀರೂ ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ಯೂರೋ ಕಪ್‌ : ಮೈದಾನದಲ್ಲೇ ಕುಸಿದು ಬಿದ್ದು ಆಸ್ಪತ್ರೆ ಸೇರಿದ ಕ್ರಿಸ್ಟಿಯನ್‌ ಎರಿಕ್ಸೆನ್‌