ಚೆನ್ನೈ: ದಳಪತಿ ವಿಜಯ್ – ಲೋಕೇಶ್ ಕನಕರಾಜ್‌ ʼಲಿಯೋʼ ಸಿನಿಮಾ ರಿಲೀಸ್ ಗೂ ಮುನ್ನವೇ ಕುತೂಹಲ ಹೆಚ್ಚಿಸಿದೆ. ಪ್ಯಾನ್‌ ಇಂಡಿಯಾ ಭಾಷೆಗಳಲ್ಲಿ ಸಿನಿಮಾದ ಪೋಸ್ಟರ್‌ ಗಳನ್ನು ರಿಲೀಸ್ ಮಾಡುವ ಯೋಜನೆಯನ್ನು ಹಾಕಿಕೊಂಡಿರುವ ʼಲಿಯೋʼ ತಂಡ ತೆಲುಗು ಬಳಿಕ ಮತ್ತೊಂದು ಭಾಷೆಯಲ್ಲಿ ಹೊಸ ಪೋಸ್ಟರ್‌ ನ್ನು ರಿಲೀಸ್ ಮಾಡಿದೆ.
ಭಾನುವಾರ ತೆಲುಗು ಭಾಷೆಯಲ್ಲಿ ʼಲಿಯೋʼ ಪೋಸ್ಟರ್‌ ರಿಲೀಸ್ ಆಗಿತ್ತು. ಈ ಪೋಸ್ಟರ್‌ ಈಗಾಗಲೇ ಟಾಲಿವುಡ್‌ ವಲಯದಲ್ಲಿಯೂ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಇದೀಗ ಸೋಮವಾರ(ಸೆ.18 ರಂದು) ಕನ್ನಡದಲ್ಲಿ ʼಲಿಯೋʼ ಪೋಸ್ಟರ್‌ ನ್ನು ರಿವೀಲ್‌ ಮಾಡಲಾಗಿದೆ.
“KEEP CALM AND PLOT YOUR ESCAPE” ಎಂದ ಬರೆದುಕೊಂಡಿರುವ ಪೋಸ್ಟರ್‌ ನಲ್ಲಿ ಗನ್‌ ವೊಂದರ ಒಳಗೆ ದಳಪತಿ ವಿಜಯ್ ಕೂತಿರುವ ಹಾಗೆ ತೋರಿಸಲಾಗಿದೆ. ಈ ಪೋಸ್ಟರ್‌ ನೋಡಿ ಕನ್ನಡಿಗರು ಭೇಷ್‌ ಎಂದಿದ್ದು, ದಳಪತಿ ಸಿನಿಮಾವನ್ನು ಕನ್ನಡದಲ್ಲಿ ನೋಡಲು ಕಾಯುತ್ತಿದ್ದಾರೆ.
ಈಗಾಗಲೇ ಒಂದೊಂದೇ ಕ್ಯಾರೆಕ್ಟರ್‌ ಗಳ ಪೋಸ್ಟರ್‌ ನ್ನು ರಿಲೀಸ್ ಮಾಡಿ ಹೈಪ್‌ ಹೆಚ್ಚಿಸಿರುವ ʼಲಿಯೋʼ ಇದೇ ಅಕ್ಟೋಬರ್‌ 19 ರಂದು ಸಿನಿಮಾ ತೆರೆಗೆ ಬರಲಿದೆ.
ʼಲಿಯೋʼ ಸಿನಿಮಾಕ್ಕೆ ಅನಿರುದ್ಧ್ ರವಿಚಂದರ್‌ ಅವರು ಮ್ಯೂಸಿಕ್ ನೀಡಿದ್ದು, ನಟಿ ತ್ರಿಷಾ ಕೃಷ್ಣನ್‌ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಸಂಜಯ್‌ ದತ್‌ ,ಅರ್ಜುನ್ ಸರ್ಜಾ, ಮಿಸ್ಕಿನ್, ಮನ್ಸೂರ್ ಅಲಿ ಖಾನ್, ಗೌತಮ್ ಮೆನನ್, ಪ್ರಿಯಾ ಆನಂದ್, ಮ್ಯಾಥ್ಯೂ ಥಾಮಸ್, ಸ್ಯಾಂಡಿ ಮಾಸ್ಟರ್ ಮುಂತಾದ ನಟರು ಸಿನಿಮಾದಲ್ಲಿ ನಟಿಸಿದ್ದಾರೆ.
