ಟೆಸ್ಲಾ ಸ್ವಯಂಚಾಲಿತ ಕಾರು ದುಬಾರಿ

ಅಮೆರಿಕ ಮೂಲದ ಟೆಸ್ಲಾ ಕಂಪನಿಯ ವಿದ್ಯುತ್‌ ಇಂಧನ ಆಧಾರಿತ, ಪೂರ್ಣ ಸ್ವಯಂಚಾಲಿತ ಕಾರಿನ ಬೆಲೆ ಜುಲೈ 1ರಿಂದ 76000 ರೂ. ಹೆಚ್ಚಲಿದೆ ಎಂದು ಕಂಪನಿಯ ಒಡೆಯ ಇಲಾನ್‌ ಮಸ್ಕ್ ಪ್ರಕಟಿಸಿದ್ದಾರೆ. ಈ ಕಾರಿನ ಒಟ್ಟಾರೆ ವೆಚ್ಚ 75 ಲಕ್ಷ ರೂ.ಗೂ ಅಧಿಕ. ಟೆಸ್ಲಾ ಕಾರು ಸ್ವಯಂಚಾಲಿತವಾಗಿದ್ದು, ಹೆದ್ದಾರಿಗಳಲ್ಲಿ ತನ್ನಷ್ಟಕ್ಕೇ ತಾನೇ ಪಥ ಬದಲಿಸುವುದು, ದಾರಿ ತೆರವು ಮಾಡುವುದು, ಪಾದಚಾರಿಗಳಿಂದ ಅಂತರ ಕಾಪಾಡಿಕೊಳ್ಳುವುದು, ವೇಗ ಹೆಚ್ಚಿಸಿಕೊಳ್ಳುವುದು, ಕಡಿಮೆ ಮಾಡಿಕೊಳ್ಳುವುದು, ಸ್ವಯಂ ನಿಲ್ಲುತ್ತದೆ.