ಥಾಣೆ ಜಿಲ್ಲೆಯ ಭಿವಂಡಿ ತಾಲೂಕಿನ ಬೊರಿವಿಲಿಯಲ್ಲಿ ಸರಣಿ ದಾಳಿಗಳ ನಂತರ ಎನ್‌ಐಎ, ಶನಿವಾರ ಆರೋಪಿ ಆಕಿಫ್ ಅತೀಕ್‌ ನಾಚನ್‌ನನ್ನು ವಶಕ್ಕೆ ಪಡೆಯಿತು. ವಿಚಾರಣೆ ನಂತರ ಬಂಧಿಸಲಾಯಿತು. ಈತ ಉಗ್ರ ಚಟುವಟಿಕೆಗಳಿಗಾಗಿ ಸುಧಾರಿತ ಸ್ಫೋಟಕ ಸಾಧನ(ಐಇಡಿ) ತಯಾರಿಕೆ ಮತ್ತು ಅದರ ಪರೀಕ್ಷೆಯಲ್ಲಿ ತೊಡಗಿದ್ದ. ಅಲ್ಲದೇ ಇಬ್ಬರು ಉಗ್ರರಿಗೆ ಆಶ್ರಯ ನೀಡಿದ ಆರೋ ಪವೂ ಈತನ ಮೇಲಿದೆ.ಆರೋಪಿ ಯಿದ್ದ ಸ್ಥಳದಿಂದ ಎಲೆಕ್ಟ್ರಾನಿಕ್‌ ಗ್ಯಾಜೆಟ್‌ಗಳು, ದಾಖ ಲೆಗಳು ಹಾಗೂ ಐಇಡಿ ತಯಾರಿಕೆಗೆ ಬೇಕಾದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.
Advertisement
ಶಂಕಿತ ಉಗ್ರರಾದ ಜುಲ್ಫಿಕರ್‌ ಆಲಿ ಬರೋಡಾವಾಲ, ಮೊಹಮ್ಮದ್‌ ಇಮ್ರಾನ್‌ ಖಾನ್, ಮೊಹಮ್ಮದ್‌ ಯೂನುಸ್‌ ಸಾಕಿ ಮತ್ತು ಅಬ್ದುಲ್‌ ಖಾದಿರ್‌ ಪಠಾಣ್‌ ಜತೆ ಸೇರಿಕೊಂಡು ನಿಷೇಧಿತ ಉಗ್ರ ಸಂಘಟನೆ ಐಸಿಸ್‌ನ ಉಗ್ರ ಚಟುವಟಿಕೆಗಳಲ್ಲಿ ಆಕಿಫ್ ಸಕ್ರಿಯವಾಗಿ ತೊಡಗಿದ್ದ. ದೇಶದ ಏಕತೆ, ಭದ್ರತೆ ಮತ್ತು ಸಾರ್ವಭೌಮತೆಗೆ ಧಕ್ಕೆ ತರಲು ಭಯೋತ್ಪಾದಕ ದಾಳಿಗಳನ್ನು ನಡೆ ಸಲು ಆರೋಪಿ ಸಂಚು ರೂಪಿಸಿದ್ದ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Related Articles
2017ರಲ್ಲಿ ಬಂಧಿಸಲ್ಪಟ್ಟ ಐಸಿಸ್‌ ನಂಟಿ ರುವ ಇಬ್ಬರು ಉಗ್ರರಿಗೆ ಗುಜರಾತ್‌ನ ಸೆಷನ್ಸ್‌ ಕೋರ್ಟ್‌ “ಕೊನೇ ಉಸಿರಿರು ವವರೆಗೂ ಜೈಲು ಶಿಕ್ಷೆ’ ವಿಧಿಸಿ ಶನಿವಾರ ತೀರ್ಪು ನೀಡಿದೆ. ಅಪರಾಧಿಗಳಾದ ಉಬೇದ್‌ಅಹ್ಮದ್‌ ಮಿರ್ಜಾ ಮತ್ತು ಮೊಹಮ್ಮದ್‌ ಕಾಸಿಂ ದೇಶದಲ್ಲಿ “ಲೋನ್‌ ವೂಲ್ಫ್ ಅಟ್ಯಾಕ್‌’ ನಡೆಸಲು ಸಂಚು ರೂಪಿಸಿದ್ದಲ್ಲದೇ, ಹಲವು ಯುವಕರನ್ನು ಉಗ್ರ ಸಂಘಟನೆಗಳಿಗೆ ನೇಮಕ ಮಾಡಿದ ಆರೋಪ ಹೊತ್ತಿದ್ದರು.
Advertisement