Tennis; ಇದೇ ಕೊನೆಯ ಸೀಸನ್‌:ಡೊಮಿನಿಕ್‌ ಥೀಮ್‌

ಮೆಲ್ಬರ್ನ್: ಆಸ್ಟ್ರೇಲಿಯದ ಟೆನಿಸಿಗ, ಮಾಜಿ ಯುಎಸ್‌ ಓಪನ್‌ ಚಾಂಪಿಯನ್‌ ಡೊಮಿನಿಕ್‌ ಥೀಮ್‌ ವಿದಾಯದ ಸುದ್ದಿ ರವಾನಿಸಿದ್ದಾರೆ. ಈ ಋತು ಬಳಿಕ ಟೆನಿಸ್‌ನಿಂದ ದೂರ ಸರಿಯುವುದಾಗಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ.

ಸತತವಾಗಿ ಕಾಡುತ್ತಿರುವ ಮಣಿಗಂಟಿನ ನೋವಿನಿಂದಾಗಿ ಟೆನಿಸ್‌ಗೆ ಗುಡ್‌ಬೈ ಹೇಳಬೇಕಾದುದು ಅನಿವಾರ್ಯವಾಗಿದೆ ಎಂದು ಇನ್‌ಸ್ಟ್ರಾಗ್ರಾಮ್‌ನಲ್ಲಿ ತಿಳಿಸಿದ್ದಾರೆ.

33 ವರ್ಷದ ಡೊಮಿನಿಕ್‌ ಥೀಮ್‌ 2020ರಲ್ಲಿ ಯುಎಸ್‌ ಓಪನ್‌ ಚಾಂಪಿಯನ್‌ ಆಗಿ ಮೂಡಿಬಂದಿದ್ದರು. 2017ರಲ್ಲಿ ಆಸ್ಟ್ರೇಲಿಯನ್‌ ಓಪನ್‌ ಫೈನಲ್‌, 2018 ಮತ್ತು 2019ರಲ್ಲಿ ಫ್ರೆಂಚ್‌ ಓಪನ್‌ ಫೈನಲ್‌ ತಲುಪಿದರೂ ಪ್ರಶಸ್ತಿ ಗೆಲ್ಲುವಲ್ಲಿ ವಿಫಲರಾಗಿದ್ದರು.

ವೃತ್ತಿ ಬದುಕಿನಲ್ಲಿ 17 ಪ್ರಶಸ್ತಿ ಗೆದ್ದ ಹಿರಿಮೆ ಥೀಮ್‌ ಅವರದು. 2020ರ ಮಾರ್ಚ್‌ ನಲ್ಲಿ ಜೀವನಶ್ರೇಷ್ಠ 3ನೇ ರ್‍ಯಾಂಕಿಂಗ್‌ ಅಲಂಕರಿಸಿದ್ದರು. ಪ್ರಸ್ತುತ 17ನೇ ರ್‍ಯಾಂಕಿಂಗ್‌ ಹೊಂದಿದ್ದಾರೆ.