ನ್ಯೂಯಾರ್ಕ್‌ ಓಪನ್‌ : ಸೆಮಿಫೈನಲಿಗೆ ನಿಶಿಕೊರಿ

ನ್ಯೂಯಾರ್ಕ್‌: ಜಪಾನಿನ ಕೀ ನಿಶಿಕೊರಿ ನ್ಯೂಯಾರ್ಕ್‌ ಓಪನ್‌ ಟೆನಿಸ್‌ ಪಂದ್ಯಾವಳಿಯ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ. ಶುಕ್ರವಾರ ರಾತ್ರಿ ನಡೆದ ಪಂದ್ಯದಲ್ಲಿ ಅವರು ಮಾಲ್ಡೋವಾದ ರಾಡು ಅಲ್ಬೋಟ್‌ ವಿರುದ್ಧ 4-6, 6-3, 6-1 ಅಂತರದ ಜಯ ಸಾಧಿಸಿದರು.

ನಿಶಿಕೊರಿ ಅವರ ಸೆಮಿಫೈನಲ್‌ ಎದುರಾಳಿ ಅಗ್ರ ಶ್ರೇಯಾಂಕದ ಕೆವಿನ್‌ ಆ್ಯಂಡರ್ಸನ್‌. ದಕ್ಷಿಣ ಆಫ್ರಿಕಾದ ಈ ಆಟಗಾರ 6-3, 5-7, 6-4ರಿಂದ ಅಮೆರಿಕದ ಫ್ರಾನ್ಸೆಸ್‌ ಟಿಯಾಫೊ ಅವರಿಗೆ ಸೋಲುಣಿಸಿದರು. ದಿನದ ಇನ್ನೊಂದು ಪಂದ್ಯದಲ್ಲಿ ಅಮೆರಿಕದ ಸ್ಯಾಮ್‌ ಕ್ವೆರ್ರಿ 7-6 (7-5), 7-6 (7-4) ಅಂತರದಿಂದ ಕ್ರೊವೇಶಿಯಾದ ಐವೊ ಕಾರ್ಲೋವಿಕ್‌ಗೆ ಸೋಲುಣಿಸಿದರು.

ಮೊದಲು ಎಂಫಿಸ್‌ನಲ್ಲಿ ನಡೆಯುತ್ತಿದ್ದ ಈ ಪಂದ್ಯಾವಳಿಯಲ್ಲಿ ನಿಶಿಕೊರಿ ಸತತ 4 ವರ್ಷ ಪ್ರಶಸ್ತಿ ಎತ್ತಿದ ಸಾಧನೆ ಮಾಡಿದ್ದರು.