Jet Ski Accident: ಜೆಟ್‌ ಸ್ಕೈ ಡಿಕ್ಕಿ; ಭಾರತೀಯ ಮೂಲದ ವಿದ್ಯಾರ್ಥಿ ಸಾವು

ವಾಷಿಂಗ್ಟನ್‌: ಅಮೆರಿಕದ ಫ್ಲೋರಿಡಾ ಬೀಚ್‌ನಲ್ಲಿ ಕಳೆದ ಶನಿವಾರ ಎರಡು ಜೆಟ್‌ ಸ್ಕೈ(ವೈಯಕ್ತಿಕ ವಾಟರ್‌ಕ್ರಾಫ್ಟ್)ಗಳು ಪರಸ್ಪರ ಡಿಕ್ಕಿಯಾಗಿ, ಭಾರತ ಮೂಲದ ವಿದ್ಯಾರ್ಥಿ ಮೃತಪಟ್ಟಿದ್ದಾನೆ.

ಅಮೆರಿಕದಲ್ಲಿ ಸ್ನಾತಕೋತ್ತರ ಪದವಿ ಪಡೆಯುತ್ತಿದ್ದ ತೆಲಂಗಾಣ ಮೂಲದ ವೆಂಕಟರಮಣ ಪಿತ್ತಲ(27) ಮೃತಪಟ್ಟಿದ್ದು, ಮತ್ತೂಂದು ವಾಟರ್‌ಕ್ರಾಫ್ಟ್ ನ ಚಾಲಕ 14 ವರ್ಷದ ಬಾಲಕನಿಗೆ ಯಾವುದೇ ಅಪಾಯ ಸಂಭವಿಸಿಲ್ಲ ಎಂದು ತಿಳಿದು ಬಂದಿದೆ.

ಘಟನೆ ಸಂಬಂಧ ಈವರೆಗೆ ಯಾರನ್ನೂ ಬಂಧಿಸಲಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.