ಮೋದಿಗೆ ಡೆಡ್‌ಲೈನ್‌ ಕೊಟ್ಟ ಕೆಸಿಆರ್‌ : ದೇಶಾದ್ಯಂತ ಹೋರಾಟಕ್ಕೆ ನಿರ್ಧಾರ

ಹೈದರಾಬಾದ್‌: ಕೇಂದ್ರ ಸರಕಾರವು ತೆಲಂಗಾಣದ ರೈತರಿಂದ ಭತ್ತ ಖರೀದಿ ಮಾಡುತ್ತದೆಯೋ, ಇಲ್ಲವೋ ಎಂದು ತಿಳಿಸಲು ಕೇಂದ್ರ ಸರಕಾರಕ್ಕೆ ತೆಲಂಗಾಣ ಮುಖ್ಯಮಂತ್ರಿ ಕೆ. ಚಂದ್ರಶೇಖರ್‌ ರಾವ್‌ ಅವರು ಸೋಮವಾರ 24 ಗಂಟೆಗಳ ಗಡುವು ಕೊಟ್ಟಿದ್ದಾರೆ.

ಕೇಂದ್ರದ ಭತ್ತ ಖರೀದಿ ನಿಯಮಗಳನ್ನು ವಿರೋಧಿಸಿ, ತೆಲಂಗಾಣ ಭವನದಲ್ಲಿ ನಡೆದ ಪ್ರತಿಭಟನೆಯಲ್ಲಿ ಭಾಗವಹಿಸಿದ ಅವರು, “ಮೋದಿಯವರು ರೈತರ ಭಾವನೆಗಳೊಂದಿಗೆ ಆಡಬಾರದು. ಅವರೇನೂ ಭಿಕ್ಷುಕರಲ್ಲ. ಅವರಿಗೆ ಸರಕಾರವನ್ನೇ ಅದಲು ಬದಲು ಮಾಡುವ ತಾಕತ್ತಿದೆ. ನಮ್ಮ ರೈತರು ಬೆಳೆದಿರುವ ಭತ್ತ ಖರೀದಿಯ ಬಗ್ಗೆ ನಿರ್ಧಾರ ತಿಳಿಸಲು ಸರಕಾರಕ್ಕೆ 24 ಗಂಟೆಗಳ ಗಡುವು ಕೊಡುತ್ತೇನೆ. ಅಷ್ಟರೊಳಗೆ ಪ್ರತಿಕ್ರಿಯಿಸಲು ಅವರು ವಿಫ‌ಲರಾದಲ್ಲಿ ನಾವು ದೇಶಾದ್ಯಂತ ಹೋರಾಟ ತೀವ್ರಗೊಳಿಸಲಿದ್ದೇವೆ’ ಎಂದು ಹೇಳಿದ್ದಾರೆ.