ಸಸಿ ನೆಡುವ ಕಾರ್ಯದಲ್ಲಿ ತೇಜಸ್ವಿ ಸೂರ್ಯ ಭಾಗಿ

ಬೆಂಗಳೂರು: ವಿಶ್ವ ಪರಿಸರ ದಿನಾಚರಣೆಯ ಅಂಗವಾಗಿ ಬೆಂಗಳೂರು ದಕ್ಷಿಣ ಲೋಕಸಭಾ ಕ್ಷೇತ್ರದ ಸಂಸದ ತೇಜಸ್ವಿ ಸೂರ್ಯ ಅವರು ಬುಧವಾರ ನಗರದ ವಿವಿಧಡೆ ಸಸಿ ನಡೆವ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

ಕ್ಲೀನ್‌ ಮತ್ತು ಗ್ರೀನ್‌ ಕನಕಪುರ ರಸ್ತೆ ಪರಿಕಲ್ಪನೆಯಡಿ ಕನಪುರ ರಸ್ತೆಯಲ್ಲಿ ಕ್ಲೀನ್‌ಥಾನ್‌ ನಡೆಸಿದರು. ಶಾಖಾಂಬರಿ ನಗರ ವಾರ್ಡ್‌ನ ಲಕ್ಷ್ಮಣ್‌ರಾವ್‌ ಬುಲೆವಾಡ್‌ ಉದ್ಯಾನದಲ್ಲಿ ಶಾಸಕಿ ಸೌಮ್ಯರೆಡ್ಡಿ ಹಾಗೂ ವಿವಿಧ ಕ್ಷೇತ್ರದ ಗಣ್ಯರೊಂದಿಗೆ ಸಸಿ ನೆಟ್ಟರು.

ಅದ್ಯಮ ಚೇತನ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಗಿಡಗಳಿಗೆ ನೀರು ಹಾಕುವ ಮೂಲಕ ಪರಿಸರ ದಿನಾಚರಣೆ ಆಚರಿಸಿದರು. ಅರಣ್ಯ ಇಲಾಖೆಯಿಂದ ಹಮ್ಮಿಕೊಂಡಿದ್ದ ವಿಶ್ವ ಪರಿಸರ ದಿನಚರಣೆಯಲ್ಲೂ ಭಾಗಿಯಾಗಿದ್ದರು.