ತಾಂತ್ರಿಕ ತೊಂದರೆ; ಮತ್ತೆ ಏರ್‌ಪೋರ್ಟ್‌ಗೆ ವಾಪಸಾದ ವಿಮಾನ

ತಿರುವನಂತಪುರ: ತಿರುವನಂತಪುರದಿಂದ ಮಸ್ಕತ್‌ಗೆ ತೆರಳಬೇಕಿದ್ದ ಏರ್‌ ಇಂಡಿಯಾ ವಿಮಾನ ಸೋಮವಾರ ತಾಂತ್ರಿಕ ದೋಷದಿಂದ ಮತ್ತೆ ಏರ್‌ಪೋರ್ಟ್‌ಗೆ ವಾಪಸಾದ ಘಟನೆ ನಡೆದಿದೆ.

ಬೆಳಗ್ಗೆ 8.30ಕ್ಕೆ ಹೊರಟಿದ್ದ ವಿಮಾನದ ಕಂಪ್ಯೂಟರ್‌ ವ್ಯವಸ್ಥೆಯಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡಿತು.

ಇದು ಪೈಲಟ್‌ ಗಮನಕ್ಕೆ ಬಂದ ಕೂಡಲೇ ವಿಮಾನವನ್ನು 9.17ರ ಹೊತ್ತಿಗೆ ಮರಳಿ ತಿರುವನಂತಪುರ ಏರ್‌ಪೋರ್ಟ್‌ಗೇ ತಂದು ಇಳಿಸಲಾಯಿತು.

ವಿಮಾನದಲ್ಲಿದ್ದ ಒಟ್ಟು 105 ಪ್ರಯಾಣಿಕರನ್ನು ಮಧ್ಯಾಹ್ನ 1 ಗಂಟೆಗೆ ಇನ್ನೊಂದು ಎಕ್ಸ್‌ಪ್ರೆಸ್‌ ವಿಮಾನದಲ್ಲಿ ಮಸ್ಕತ್‌-ಓಮನ್‌ಗೆ ಕಳುಹಿಸಿಕೊಡಲಾಯಿತು ಎಂದು ಏರ್‌ ಇಂಡಿಯಾ ವಕ್ತಾರ ತಿಳಿಸಿದ್ದಾರೆ.