ಸದ್ಯದಲ್ಲೇ “ಡಾಟರ್‌ ಆಫ್ ಪಾರ್ವತಮ್ಮ’ಚಿತ್ರದ ಟೀಸರ್‌ 

ಹರಿಪ್ರಿಯಾ ಹಾಗೂ ಸುಮಲತಾ ಅಭಿನಯದ “ಡಾಟರ್‌ ಆಫ್ ಪಾರ್ವತಮ್ಮ’ ಚಿತ್ರ ಡಬ್ಬಿಂಗ್‌ ಪೂರ್ಣಗೊಂಡಿದ್ದು, ಇಷ್ಟರಲ್ಲೇ ಚಿತ್ರದ ಟೀಸರ್‌ ಬಿಡುಗಡೆ ಮಾಡಲು ಚಿತ್ರತಂಡ ತಯಾರಿ ನಡೆಸಿದೆ. ಜೆ. ಶಂಕರ್‌ ನಿರ್ದೇಶನದ ಈ ಚಿತ್ರ ಒಂದು ಕ್ರೈಮ್‌ ಸುತ್ತ ಸುತ್ತುವ ಕಥೆ ಹೊಂದಿದೆ. ನಿರ್ದೇಶಕ ಶಂಕರ್‌ಗೆ ಇದು ಮೊದಲ ಚಿತ್ರ.

ಈ ಹಿಂದೆ ಪವನ್‌ ಒಡೆಯರ್‌ ಜೊತೆ “ರಣವಿಕ್ರಮ’ ಸೇರಿದಂತೆ ಹಲವು ಚಿತ್ರಗಳಲ್ಲಿ ಸಹ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಈಗ ಒಂದು ತನಿಖೆಯ  ಕಥೆ ಹೆಣೆದು ಚಿತ್ರ ಮಾಡಿದ್ದಾರೆ. ಅಂದಹಾಗೆ, ದಿಶಾ ಎಂಟರ್‌ಟೈನ್‌ಮೆಂಟ್‌ ಬ್ಯಾನರ್‌ನಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರಕ್ಕೆ ಕೆಂ.ಶಶಿಧರ್‌, ಎಂ.ವಿಜಯಲಕ್ಷ್ಮೀ, ಕೃಷ್ಣೇಗೌಡ ಹಾಗು ಇತರರು ಸೇರಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ.

ಚಿತ್ರಕ್ಕೆ ಅರುಳ್‌ ಕೆ. ಸೋಮಸುಂದರನ್‌ ಕ್ಯಾಮೆರಾ ಹಿಡಿದರೆ, ಮಿಥುನ್‌ ಮುಕುಂದನ ಅವರು ಸಂಗೀತ ನೀಡಿದ್ದಾರೆ. ಸುರೇಶ್‌ ಆರ್ಮುಗಂ ಸಂಕಲನ ಮಾಡುತ್ತಿದ್ದಾರೆ. ಚಿತ್ರಕ್ಕೆ ಪ್ರಗತಿ ರಿಷಭ್‌ಶೆಟ್ಟಿ ಹಾಗೂ ಪುಟ್ಟರಾಜು ಅವರ ವಸ್ತ್ರವಿನ್ಯಾಸವಿದೆ.