ಚೆನ್ನೈ ಲೆಜೆಂಡ್‌ಗಳ ತಂಡ: ಬಿಲ್ಲಿಂಗ್ಸ್‌

ಚೆನ್ನೈ: ಇದು ಲೆಜೆಂಡ್‌ ಕ್ರಿಕೆಟಿಗರನ್ನು ಹೊಂದಿರುವ ತಂಡ. ಇಲ್ಲಿ ಆಡಲು ಬಹಳ ಖುಷಿಯಾಗುತ್ತಿದೆ ಎಂದು ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಗೆಲುವಿನ ರೂವಾರಿ ಸ್ಯಾಮ್‌ ಬಿಲ್ಲಿಂಗ್ಸ್‌ ಹೇಳಿದ್ದಾರೆ. “ಧೋನಿ, ರೈನಾ, ಹರ್ಭಜನ್‌, ಬ್ಯಾಟಿಂಗ್‌ ಕೋಚ್‌ ಹಸ್ಸಿ… ಇವರಂಥ ಶ್ರೇಷ್ಠ ಕ್ರಿಕೆಟಿಗರನ್ನು ಹೊಂದಿರುವ ತಂಡವಿದು. ಇವರಿಂದ ಕಲಿಯುವುದು ಸಾಕಷ್ಟಿದೆ’ ಎಂದು ಬಿಲ್ಲಿಂಗ್ಸ್‌ ಹೇಳಿದರು.

ಮಂಗಳವಾರದ ಐಪಿಎಲ್‌ ಪಂದ್ಯದಲ್ಲಿ ಚೆನ್ನೈ ತಂಡ 5 ವಿಕೆಟ್‌ಗಳಿಂದ ಕೆಕೆಆರ್‌ಗೆ ಸೋಲುಣಿಸಿ ಸತತ 2ನೇ ಜಯ ದಾಖಲಿಸಿತ್ತು. ಕೆಕೆಆರ್‌ 6ಕ್ಕೆ 202 ರನ್‌ ಪೇರಿಸಿ ಸವಾಲೊಡಿಡªರೂ ಈ ಭಾರೀ ಮೊತ್ತವನ್ನು ಅತ್ಯಂತ ಸಾಹಸಮಯ ರೀತಿಯಲ್ಲಿ ಬೆನ್ನಟ್ಟಿದ ಚೆನ್ನೈ 19.5 ಓವರ್‌ಗಳಲ್ಲಿ 5 ವಿಕೆಟಿಗೆ 205 ರನ್‌ ಬಾರಿಸಿ ಗೆಲುವು ಒಲಿಸಿಕೊಂಡಿತು. ಸ್ಯಾಮ್‌ ಬಿಲ್ಲಿಂಗ್ಸ್‌ 23 ಎಸೆತಗಳಲ್ಲಿ 56 ರನ್‌ ಸಿಡಿಸಿ ಚೆನ್ನೈ ತಂಡಕ್ಕೆ ಗೆಲುವನ್ನು ತಂದಿತ್ತಿದ್ದರು. ಈ ಪಂದ್ಯಶ್ರೇಷ್ಠ ಇನ್ನಿಂಗ್ಸ್‌ ವೇಳೆ 5 ಸಿಕ್ಸರ್‌, 2 ಬೌಂಡರಿ ಸಿಡಿಯಲ್ಪಟ್ಟಿತು. ಶೇನ್‌ ವಾಟ್ಸನ್‌ 42, ಅಂಬಾಟಿ ರಾಯುಡು 39, ಧೋನಿ 25 ರನ್‌ ಹೊಡೆದರು.