ಟೀಮ್‌ ಇಂಡಿಯಾ ವರ್ಷಾಂತ್ಯ ದಕ್ಷಿಣ ಆಫ್ರಿಕಾ ಪ್ರವಾಸ

ಹೊಸದಿಲ್ಲಿ: ಭಾರತ ಕ್ರಿಕೆಟ್‌ ತಂಡ ವರ್ಷಾಂತ್ಯ ದಕ್ಷಿಣ ಆಫ್ರಿಕಾ ಪ್ರವಾಸ ಕೈಗೊಳ್ಳಲಿದ್ದು, ಇದರ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಸರಣಿಯಲ್ಲಿ 3 ಟಿ20, 3 ಏಕದಿನ ಹಾಗೂ 2 ಟೆಸ್ಟ್‌ ಪಂದ್ಯಗಳನ್ನು ಆಡಲಾಗುವುದು.

ಮೊದಲ ಟಿ20 ಪಂದ್ಯ ಡಿ. 10ರಂದು ಡರ್ಬನ್‌ನಲ್ಲಿ ನಡೆಯಲಿದೆ. ಉಳಿದೆರಡು ಪಂದ್ಯ ಗಳ ತಾಣ ಕೆಬೆರ್ರಾ (ಡಿ. 12) ಮತ್ತು ಜೊಹಾನ್ಸ್‌ಬರ್ಗ್‌ (ಡಿ. 14). ಮೊದಲ ಏಕದಿನ ಕೂಡ ಜೊಹಾನ್ಸ್‌ ಬರ್ಗ್‌ನಲ್ಲೇ ನಡೆಯಲಿದೆ (ಡಿ. 17). ಕೆಬೆರ್ರಾ (ಡಿ. 19) ಮತ್ತು ಪಾರ್ಲ್ನಲ್ಲಿ (ಡಿ. 21) ಮತ್ತೆರಡು ಏಕದಿನ ಪಂದ್ಯಗಳು ಏರ್ಪಡಲಿವೆ.

“ಗಾಂಧಿ-ಮಂಡೇಲಾ ಟ್ರೋಫಿ’ ಗಾಗಿ ನಡೆಯುವ ಫ್ರೀಡಂ ಟೆಸ್ಟ್‌ ಸರಣಿಯ ಪಂದ್ಯಗಳನ್ನು ಸೆಂಚುರಿ ಯನ್‌ (ಡಿ. 26-30) ಮತ್ತು ಕೇಪ್‌ ಟೌನ್‌ ನಲ್ಲಿ (ಜ. 3-7) ಆಡ ಲಾಗುವುದು.