ಉಚಿತವಾಗಿ ಏರ್‌ಟೆಲ್‌ಗೆ ಬರಲಿದೆ ಟಾಟಾ ಟೆಲಿ

ಹೊಸದಿಲ್ಲಿ: ಶೀಘ್ರದಲ್ಲಿಯೇ ಸೇವೆ ಸ್ಥಗಿತಗೊಳಿಸಲಿರುವ ಟಾಟಾ ಟೆಲಿಸರ್ವಿಸಸ್‌ ಲಿಮಿಟೆಡ್‌ ಅನ್ನು ಭಾರ್ತಿ ಏರ್‌ಟೆಲ್‌ ಖರೀದಿಸಲಿದೆ. ಆದರೆ, ಸಂಸ್ಥೆ ಹೊಂದಿರುವ ಯಾವುದೇ ರೀತಿಯ ಸಾಲ ಮತ್ತು ಇತರ ಪಾವತಿಯ ಹೊಣೆ ಹೊತ್ತುಕೊಳ್ಳುವುದಿಲ್ಲವೆಂದು ಏರ್‌ಟೆಲ್‌ ಹೇಳಿದೆ.
 ಈ ಮೂಲಕ ಕಂಪನಿಯನ್ನು ವಸ್ತುಶಃ ಉಚಿತವಾಗಿಯೇ ಪಡೆದುಕೊಂಡಂತಾಗುತ್ತದೆ.

 ಇದರಿಂದಾಗಿ ದೇಶದ ನಂ.1 ಮೊಬೈಲ್‌ ಕಂಪನಿ ಹೊಂದುವ ತರಂಗಾಂತರ ಸಾಮರ್ಥ್ಯ ಮತ್ತು ಗ್ರಾಹಕರ ಸಂಖ್ಯೆ ಹೆಚ್ಚಲಿದೆ.

 ಈ ಡೀಲ್‌ನಿಂದಾಗಿ ಭಾರ್ತಿ ಸಂಸ್ಥೆ ಐದು ವರ್ಷಗಳಲ್ಲಿ ಖರೀದಿ ಮಾಡಿದ ಐದನೇ ದೂರಸಂಪರ್ಕ ಕಂಪನಿಯಾಗಲಿದೆ. ಟಾಟಾ ಟೆಲಿ ಸರ್ವಿಸಸ್‌ ಲಿ. ಜತೆಗೆ ಟಾಟಾ ಟೆಲಿಸರ್ವಿಸ್‌ ಮಹಾರಾಷ್ಟ್ರ ಲಿ. ಅನ್ನು ನ.1ರಂದು ತೆಕ್ಕೆಗೆ ತೆಗೆದುಕೊಳ್ಳಲಿದೆ.