‘ಟಾಟಾ ನಿಯೋ’ ಆ್ಯಪ್‌ ಬಿಡುಗಡೆ; ಏನಿದರ ವಿಶೇಷತೆ?

ಮುಂಬೈ: ಅಮೆಜಾನ್‌ ಮತ್ತು ಪ್ಲಿಪ್‌ಕಾರ್ಟ್‌ಗಳಿಗೆ ಸೆಡ್ಡು ಹೊಡೆಯುವ ಸಂಬಂಧ ಟಾಟಾ ಗ್ರೂಪ್‌, ‘ಟಾಟಾ ನಿಯೋ’ ಎಂಬ ಆ್ಯಪ್‌ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಆಹಾರವನ್ನು ಆರ್ಡರ್ ಮಾಡುವುದರಿಂದ ಹಿಡಿದು ಬಟ್ಟೆ ಖರೀದಿಸುವವರೆಗೆ ಮತ್ತು ನಿಮ್ಮ ಏರ್‌ಟಿಕೆಟ್‌ಗಳನ್ನು ಖರೀದಿಸುವವರೆಗೆ, ಟಾಟಾ ನಿಯೋ ಬಹುತೇಕ ಎಲ್ಲಾ ಅವಶ್ಯಕತೆಗಳನ್ನು ಪೂರೈಸುವ ಗುರಿಯನ್ನು ಹೊಂದಿದೆ.

ಇದನ್ನು ಸೂಪರ್‌ ಆ್ಯಪ್‌ ಎಂದು ಸಂಸ್ಥೆ ಕರೆದಿದ್ದು, ಪ್ಲೇಸ್ಟೋರ್‌ ಮತ್ತು ಆ್ಯಪಲ್‌ ಸ್ಟೋರ್‌ನಲ್ಲೂ ಲಭ್ಯವಿದೆ. ವಿಶೇಷವೆಂದರೆ, ಈ ಆ್ಯಪ್‌ ಮೂಲಕವೇ ಕ್ರೋಮ್‌, ಬಿಗ್‌ ಬ್ಯಾಸ್ಕೆಟ್‌, 1ಎಂಜಿ ಸೇರಿದಂತೆ ಹಲವು ಸಂಸ್ಥೆಗಳ ಸೇವೆಗಳನ್ನು ಪಡೆಯಬಹುದಾಗಿದೆ.

ಇದನ್ನೂ ಓದಿ:ಬಳಕೆದಾರರಿಗೆ ಸ್ವಯಂ-ಪರಿಶೀಲನ ಫೀಚರ್ ಪರಿಚಯಿಸಿದ ‘ಕೂ’

ಅಂದರೆ, ಮನೆಗೆ ಬೇಕಾದ ವಸ್ತುಗಳಿಂದ ಹಿಡಿದು, ವಿಮಾನದಲ್ಲಿ ಓಡಾಡಲು ಟಿಕೆಟ್‌ ಅನ್ನೂ ಬುಕ್‌ ಮಾಡಬಹುದಾಗಿದೆ. ಇದರಲ್ಲೇ ಟಾಟಾ ಪೇ ಎಂಬ ಯುಪಿಐ ಆಧರಿತ ಪೇಮೆಂಟ್‌ ವ್ಯವಸ್ಥೆಯನ್ನೂ ಪರಿಚಯಿಸಲಾಗಿದೆ.