ಬುರ್ಖಾ ಧರಿಸದಿದ್ದರೆ ತಂದೆಯ ಕೆಲಸಕ್ಕೆ ಕತ್ತರಿ: ತಾಲಿಬಾನ್‌

ಕಾಬೂಲ್‌: ಅಫ್ಘಾನಿಸ್ತಾನವನ್ನು ಆಕ್ರಮಿಸಿಕೊಂಡಿರುವ ತಾಲಿಬಾನಿಯರು ಇದೀಗ ಅಲ್ಲಿನ ಹೆಣ್ಣು ಮಕ್ಕಳಿಗಾಗಿ ವಿಶೇಷ ನಿಯಮವನ್ನು ರಚಿಸಿದ್ದಾರೆ.

ಪ್ರತಿ ಹೆಣ್ಣು ಮಕ್ಕಳು ಮುಖವನ್ನು ಮುಚ್ಚಿಕೊಂಡಿರಲೇಬೇಕು. ಒಂದು ವೇಳೆ ಅದನ್ನು ಮಾಡುವಲ್ಲಿ ತಪ್ಪಿದಲ್ಲಿ ಆಕೆಯ ತಂದೆ ಅಥವಾ ಪುರುಷ ಸಂಬಂಧಿಯನ್ನು ಕೆಲಸದಿಂದ ತೆಗೆದುಹಾಕಲಾಗುವುದು ಎಂದು ತಾಲಿಬಾನ್‌ ಸರ್ಕಾರದ ಸದ್ಗುಣಗಳ ಪ್ರಚಾರ ಮತ್ತು ದುರಾಚಾರ ತಡೆಗಟ್ಟುವಿಕೆ ಸಚಿವಾಲಯದ ವಕ್ತಾರರ ಗುಂಪಿನ ಸರ್ವೋಚ್ಚ ನಾಯಕ ಹಿಬತುಲ್ಲಾ ಅಖುಂದ್ಜಾದಾ ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಅಫ್ಘನ್‌ನ ಬಹುತೇಕ ಭಾಗಗಳಲ್ಲಿ ನೀಲಿ ಬಣ್ಣದ ಬುರ್ಖಾ ಬಳಕೆಯಿದೆಯಾದರೂ ನಗರ ಪ್ರದೇಶದ ಕೆಲವೆಡೆ ಈ ನಿಯಮ ಪಾಲನೆಯಾಗುತ್ತಿಲ್ಲ.