ಏರಿಂಡಿಯಕ್ಕೆ ಚೈನೀಸ್‌ ತೈಪೆ ಆದ ತೈವಾನ್‌: ಚೀನ ಸ್ವಾಗತ

ಬೀಜಿಂಗ್‌ : ಏರಿಂಡಿಯಾ ತನ್ನ ವೆಬ್‌ ಸೈಟಿನಲ್ಲಿ  ತೈವಾನ್‌ ಹೆಸರನ್ನು  ಚೈನೀಸ್‌ ತೈಪೇ ಎಂದು ಬದಲಾಯಿಸಲು ನಿರ್ಧರಿಸಿರುವುದನ್ನು  ಚೀನ ಇಂದು ಗುರುವಾರ ಸ್ವಾಗತಿಸಿದೆ. 

ಹಾಗೆಯೇ ದೇಶದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ವಿದೇಶಿ ಕಂಪೆನಿಗಳು ಕೂಡ ಚೀನದ ಕಾನೂನಿಗೆ ವಿಧೇಯತೆ ತೋರಿ ಚೀನದ ಸಾರ್ವಭೌಮತೆ  ಮತ್ತು ಪ್ರಾದೇಶಿಕ ಭಾವೈಕ್ಯತೆಯನ್ನು ಗೌರವಿಸಬೇಕು ಎಂದು ಚೀನ ಹೇಳಿದೆ. 

1950ರಿಂದ ಸ್ವತಂತ್ರವಾಗಿರುವ ತೈವಾನ್‌ ದ್ವೀಪವನ್ನು ಚೀನ ಒಂದು ಬಂಡುಕೋರ ಪ್ರಾಂತ್ಯವಾಗಿ ಪರಿಗಣಿಸುತ್ತದೆ ಮತ್ತು ಅದು ಚೀನದ ಮುಖ್ಯ ಭೂಮಿಯೊಂದಿಗೆ ಪುನರ್‌ ಮಿಲನಗೊಳ್ಳಬೇಕು; ಅಗತ್ಯವಿದ್ದರೆ ಬಲ ಪ್ರಯೋಗದಿಂದ ಎಂದು ಆಶಿಸುತ್ತದೆ.

ತೈವಾನ್‌ ದ್ವೀಪವನ್ನು ಪ್ರತ್ಯೇಕ ಪ್ರದೇಶವೆಂದು ವಿಶ್ವದ ಕೆಲವು ಏರ್‌ ಲೈನ್‌ಗಳು ಪರಿಗಣಿಸುವುದರ ಬಗ್ಗೆ ಚೀನ ಆಕ್ಷೇಪ ಎತ್ತುತ್ತಾ ಬಂದಿದೆ.