Advertisement
ಬೆಳಗ್ಗಿನ ಅಫ್ಘಾನಿಸ್ಥಾನ-ಪಾಕಿಸ್ಥಾನ ಪಂದ್ಯ 22.2 ಓವರ್‌ಗಳ ಆಟವನ್ನು ಕಂಡಿ ತಾದರೂ ಫ‌ಲಿತಾಂಶದಿಂದ ದೂರವೇ ಉಳಿಯಿತು. ಅಪರಾಹ್ನದ ಭಾರತ- ನ್ಯೂಜಿಲ್ಯಾಂಡ್‌ ಹಾಗೂ ದಕ್ಷಿಣ ಆಫ್ರಿಕಾ- ಬಾಂಗ್ಲಾದೇಶ ಪಂದ್ಯಗಳು ಟಾಸ್‌ ಕೂಡ ಕಾಣಲಿಲ್ಲ. ಇದರಿಂದ ಶನಿವಾರದಿಂದ ಮೊದಲ್ಗೊಳ್ಳಲಿರುವ ಸೂಪರ್‌- 12 ಸ್ಪರ್ಧೆಗಳಿಗೆ ಅಭ್ಯಾಸದ ಕೊರತೆ ಎದುರಾದಂತಾಗಿದೆ.
ಇನ್ನೊಂದೆಡೆ ನ್ಯೂಜಿಲ್ಯಾಂಡ್‌ಗೆ ಗೆಲು ವಿನ ಅನಿವಾರ್ಯತೆ ಇತ್ತು. ಮೊದಲ ಅಭ್ಯಾಸ ಪಂದ್ಯದಲ್ಲಿ ಅದು ದಕ್ಷಿಣ ಆಫ್ರಿಕಾ ವಿರುದ್ಧ 98 ರನ್ನಿಗೆ ಕುಸಿದು 9 ವಿಕೆಟ್‌ಗಳ ಸೋಲಿಗೆ ತುತ್ತಾಗಿತ್ತು. ಪಾಕಿಸ್ಥಾನ ವಿರುದ್ಧದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಅಫ್ಘಾನಿಸ್ಥಾನ 6 ವಿಕೆಟಿಗೆ 154 ರನ್‌ ಗಳಿಸಿತ್ತು. ಪಾಕ್‌ 2.2 ಓವರ್‌ಗಳಲ್ಲಿ ವಿಕೆಟ್‌ ನಷ್ಟವಿಲ್ಲದೆ 19 ರನ್‌ ಮಾಡಿದ್ದಾಗ ಮಳೆ ಸುರಿಯಿತು. ಪಂದ್ಯ ಇಲ್ಲಿಗೇ ನಿಂತಿತು. ಅಫ್ಘಾನಿಸ್ಥಾನದ 3 ವಿಕೆಟ್‌ 19 ರನ್ನಿಗೆ ಉದುರಿತ್ತು. ಮೊಹಮ್ಮದ್‌ ನಬಿ ಕಪ್ತಾನನ ಆಟವಾಡಿ 51 ರನ್‌ (37 ಎಸೆತ, 5 ಬೌಂಡರಿ, 1 ಸಿಕ್ಸರ್‌), ಇಬ್ರಾಹಿಂ ಜದ್ರಾನ್‌ 35 ರನ್‌ ಹೊಡೆದರು.
Related Articles
Advertisement
ಮೆಲ್ಬರ್ನ್ ನಲ್ಲಿ ಮಳೆ ಸಾಧ್ಯತೆಶನಿವಾರದಿಂದ ಟಿ20 ವಿಶ್ವಕಪ್ ಪಂದ್ಯಾವಳಿಯ “ಸೂಪರ್‌-12′ ಸ್ಪರ್ಧೆ ಗಳು ಆರಂಭಗೊಳ್ಳಲಿವೆ. ಇದಕ್ಕೂ ಈಗ ಮಳೆ ಭೀತಿ ಎದುರಾಗಿದೆ. ರವಿವಾರ ಭಾರತ-ಪಾಕಿಸ್ಥಾನ ನಡುವೆ “ಮೆಲ್ಬರ್ನ್ ಕ್ರಿಕೆಟ್‌ ಗ್ರೌಂಡ್‌’ನಲ್ಲಿ ಈ ಟೂರ್ನಿಯ ಹೈ ವೋಲ್ಟೆàಜ್‌ ಪಂದ್ಯ ನಡೆಯಲಿದೆ. ಹವಾಮಾನ ಮುನ್ಸೂಚ ನೆಯಂತೆ ಈ ಪಂದ್ಯಕ್ಕೂ ಮಳೆಯ ಕಾಟ ಎದುರಾಗುವ ಸಾಧ್ಯತೆ ದಟ್ಟವಾಗಿದೆ. ಮೆಲ್ಬರ್ನ್ ನಲ್ಲಿ ಶುಕ್ರವಾರದಿಂದ ಮಳೆಯ ಅಬ್ಬರ ಆರಂಭವಾಗಲಿದೆ. ರವಿವಾರದ ಮಳೆ ಸಾಧ್ಯತೆ ಶೇ. 80ರಷ್ಟಿದೆ ಎಂಬುದು ಹವಾಮಾನ ಇಲಾಖೆಯ ವರದಿ. ಅಂದು ರಾತ್ರಿ 7 ಗಂಟೆಗೆ ಭಾರತ-ಪಾಕಿಸ್ಥಾನ ಪಂದ್ಯ ಮೊದಲ್ಗೊಳ್ಳಲಿದೆ. ಸೂಪರ್‌-12 ಹಂತದ ಆರಂಭಿಕ ಪಂದ್ಯ ಆಸ್ಟ್ರೇಲಿಯ-ನ್ಯೂಜಿಲ್ಯಾಂಡ್‌ ನಡುವೆ ಶನಿವಾರ ಸಿಡ್ನಿಯಲ್ಲಿ ನಡೆಯ ಲಿದ್ದು, ಈ ಪಂದ್ಯಕ್ಕೂ ಮಳೆಯಿಂದ ಅಡಚಣೆಯಾಗುವ ಸಾಧ್ಯತೆ ಇದೆ.