ಟಿ20 ಪಂದ್ಯ: ಪೊವೆಲ್‌ ಪರಾಕ್ರಮ; ಬಾಂಗ್ಲಾದೇಶ ವಿರುದ್ಧ ವೆಸ್ಟ್‌ ಇಂಡೀಸ್‌ ವಿಜಯ

ರೋಸ್ಯೂ (ಡೊಮಿನಿಕಾ): ರೋವ್ಮನ್ ಪೊವೆಲ್‌ ಅವರ ಅಬ್ಬರದ ಬ್ಯಾಟಿಂಗ್‌ನಿಂದ ಬಾಂಗ್ಲಾದೇಶ ವಿರುದ್ಧದ ದ್ವಿತೀಯ ಟಿ20 ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ 35 ರನ್‌ ಗೆಲುವು ಸಾಧಿಸಿದೆ.

ವಿಂಡೀಸ್‌ 5 ವಿಕೆಟಿಗೆ 193 ರನ್‌ ರಾಶಿ ಹಾಕಿ ಸವಾಲೊಡ್ಡಿತು. ಬಾಂಗ್ಲಾದೇಶ 6 ವಿಕೆಟಿಗೆ 158 ರನ್‌ ಮಾಡಿ ಶರಣಾಯಿತು.

ರೋವ್ಮನ್ ಪೊವೆಲ್‌ ಕೇವಲ 28 ಎಸೆತಗಳಿಂದ ಅಜೇಯ 61 ರನ್‌ ಬಾರಿಸಿ ಬಾಂಗ್ಲಾ ಎಸೆತಗಳನ್ನು ಧೂಳೀಪಟಗೊಳಿಸಿದರು. ಈ ಅಬ್ಬರದ ವೇಳೆ 6 ಸಿಕ್ಸರ್‌, 2 ಬೌಂಡರಿ ಸಿಡಿಯಿತು.