ಸಿರಿಯಾದಲ್ಲಿ  ಐಸಿಸ್‌ ಅಟ್ಟಹಾಸ :200 ಕ್ಕೂ ಹೆಚ್ಚು ಮಂದಿ ಬಲಿ

 ಬೇರುತ್‌: ಉಗ್ರ ಸಂಘಟನೆ ಐಸಿಸ್‌ ಸಿರಿಯಾದಲ್ಲಿ ನಡೆಸಿದ ಭೀಕರ ಬಾಂಬ್‌ ದಾಳಿಯಲ್ಲಿ 215ಕ್ಕೂ ಹೆಚ್ಚು ಮಂದಿ ಅಸುನೀಗಿದ್ದಾರೆ.ಇತ್ತೀಚಿನ ದಿನಗಳಲ್ಲಿ ಇದೊಂದು ಭೀಕರ ದಾಳಿ ಎಂದು ಪರಿಗಣಿಸಲಾಗಿದೆ.

 ಸಿರಿಯನ್‌ ಆಬ್ಸರ್ವೇಟರಿ ಫಾರ್‌ ಹ್ಯೂಮನ್‌ ರೈಟ್ಸ್‌ ಈ ಮಾಹಿತಿ ಖಚಿತಪಡಿಸಿದೆ. ಸಿರಿಯಾ ಸರಕಾರದ ಹಿಡಿತದಲ್ಲಿರುವ ಸ್ವೇಡಾ ನಗರವನ್ನೂ ಸೇರಿ ಮೂರು ಗ್ರಾಮಗಳಿಗೆ ಈ ದಾಳಿ ನಡೆದಿದೆ ಎಂದು ಅದು ಹೇಳಿದೆ. ಗ್ರಾಮಗಳ ರಕ್ಷಣೆಗಾಗಿ ಮುಂದಾಗಿದ್ದವರು ಸೇರಿದಂತೆ 200ಕ್ಕೂ ಹೆಚ್ಚು  ಮಂದಿ ಅಸು ನೀಗಿದ್ದಾರೆ. ಆ ಪೈಕಿ 127 ಮಂದಿ ನಾಗರಿಕರು ಎಂದು ತಿಳಿದು ಬಂದಿದೆ. 

ನೈಋತ್ಯ ಸಿರಿಯಾದಲ್ಲಿ  ಹಲವೆಡೆ ದಾಳಿ ನಡೆದಿದ್ದು, ಭದ್ರತಾ ಪಡೆಗಳು ಉಗ್ರರೊಂದಿಗೆ ಗುಂಡಿನ ಕಾಳಗ ನಡೆಸಿರುವ ಬಗ್ಗೆಯೂ ವರದಿಯಾಗಿದೆ.