ಬಾಸೆಲ್‌: ಗೆಲುವಿನ ಓಟವನ್ನು ಮುಂದುವರಿಸಿದ ಎಚ್‌.ಎಸ್‌. ಪ್ರಣಯ್‌ ಸ್ವಿಸ್‌ ಓಪನ್‌ ಸೂಪರ್‌ 300 ಬ್ಯಾಡ್ಮಿಂಟನ್‌ ಪಂದ್ಯಾವಳಿಯ ಫೈನಲ್‌ಗೆ ಲಗ್ಗೆ ಹಾಕಿದ್ದಾರೆ.
ಅವರು ಇಂಡೋನೇಶ್ಯಾದ ಆ್ಯಂಟನಿ ಸಿನಿಸುಕ ವಿರುದ್ಧ 21-19, 19-21, 21-18 ಅಂತರದ ಗೆಲುವು ಸಾಧಿಸಿದರು.
ಇದಕ್ಕೂ ಮೊದಲು ವಿಶ್ವದ ನಂ.3 ಆಟಗಾರ ಕೆ. ಶ್ರೀಕಾಂತ್‌ ಡೆನ್ಮಾರ್ಕ್‌ನ ಆ್ಯಂಡರ್ ಆ್ಯಂಟನ್ಸೆನ್‌ ವಿರುದ್ಧ 3 ಗೇಮ್‌ಗಳ ಜಿದ್ದಾಜಿದ್ದಿ ಹೋರಾಟದಲ್ಲಿ ಜಯ ಸಾಧಿಸಿ ಸೆಮಿಫೈನಲ್‌ ತಲುಪಿದ್ದರು.
ಶುಕ್ರವಾರ ತಡ ರಾತ್ರಿ ನಡೆದ ಪಂದ್ಯದಲ್ಲಿ ಶ್ರೀಕಾಂತ್‌ 21-19, 19-21, 22-20 ಅಂತರದ ಗೆಲುವು ಕಂಡರು.
ಇದನ್ನೂ ಓದಿ:ಮಿಯಾಮಿ ಓಪನ್‌ ಟೆನಿಸ್‌: ದ್ವಿತೀಯ ಸುತ್ತಿಗೆ ಬೋಪಣ್ಣ, ಸಾನಿಯಾ
ವಿಶ್ವದ 12ನೇ ರ್‍ಯಾಂಕಿಂಗ್‌ ಆಟಗಾರನಾಗಿರುವ ಶ್ರೀಕಾಂತ್‌ ಅವರಿನ್ನು ಏಶ್ಯನ್‌ ಗೇಮ್ಸ್‌ ಸ್ವರ್ಣ ವಿಜೇತ ಶಟ್ಲರ್‌, ಇಂಡೋನೇಶ್ಯದ ಜೊನಾಥನ್‌ ಕ್ರಿಸ್ಟಿ ವಿರುದ್ಧ ಆಡಲಿದ್ದಾರೆ. ಇಲ್ಲಿ ಗೆದ್ದವರ ವಿರುದ್ಧ ಪ್ರಣಯ್‌ ಪ್ರಶಸ್ತಿ ಸೆಣಸಾಟ ನಡೆಸುವರು.
