ಡ್ರೈವರ್ ದಿನಸಿ ಕದ್ದಿದ್ದಾನೆ ಎಂದು ಉಬರ್ ಗೆ ದೂರು ನೀಡಿದ ನಟಿ ಸ್ವರಾ ಭಾಸ್ಕರ್

ನವದೆಹಲಿ: ಸದಾ ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿಯಾಗುವ ನಟಿ ಸ್ವರಾ ಭಾಸ್ಕರ್ ಅವರು ಲಾಸ್ ಏಂಜಲೀಸ್‌ನಲ್ಲಿ ಉಬರ್ ಡ್ರೈವರ್‌ ಒಬ್ಬ ತನ್ನ ದಿನಸಿಯನ್ನು ಕದ್ದಿದ್ದಾನೆ ಎಂದು ಟ್ವೀಟ್‌ ಮಾಡಿ ಟೀಕೆಗಳಿಗೆ ಗುರಿಯಾಗಿದ್ದಾರೆ.

ಉಬರ್‌ ನ್ನು ಉದ್ದೇಶಿಸಿ ಮಾರ್ಚ್ 24 ರಂದು ಟ್ವೀಟ್ ಮಾಡಿದ್ದು, ನನ್ನನ್ನು ಚಾಲಕ ಮುಂಚಿನ ಸ್ಟಾಪ್‌ನಲ್ಲಿ ನಿಲ್ಲಿಸಿ, ಚಾಲಕ ತನ್ನ ದಿನಸಿಗಳೊಂದಿಗೆ ಪರಾರಿಯಾಗಿದ್ದಾನೆ ಎಂದು ಬರೆದಿದ್ದಾರೆ. ಕಂಪನಿಯು ಈ ಸಮಸ್ಯೆಯನ್ನು ಪರಿಶೀಲಿಸಲು ಮತ್ತು ತನ್ನ ದಿನಸಿಗಳನ್ನು ಮರಳಿ ಪಡೆಯಲು ಸಹಾಯ ಮಾಡಲು ವಿನಂತಿಸಿದ್ದಾರೆ.

ನಾನು ಪ್ರಯಾಣಿಸುವ ವೇಳೆ ಮುಂಚಿನ ಸ್ಟಾಪ್‌ನಲ್ಲಿರುವಾಗ ನಿಮ್ಮ ಡ್ರೈವರ್‌ಗಳಲ್ಲಿ ಒಬ್ಬ ನನ್ನ ಎಲ್ಲಾ ದಿನಸಿ ಸಾಮಾನುಗಳನ್ನು ಕಾರಿನಲ್ಲಿ ತೆಗೆದುಕೊಂಡು ಹೋದರು! ನಿಮ್ಮ ಅಪ್ಲಿಕೇಶನ್‌ನಲ್ಲಿ ಇದನ್ನು ವರದಿ ಮಾಡಲು ಯಾವುದೇ ಮಾರ್ಗವಿಲ್ಲ ಎಂದು ತೋರುತ್ತಿದೆ. ಇದು ಕಳೆದುಹೋದ ಐಟಂ ಅಲ್ಲ! ಅವನು ಸುಮ್ಮನೆ ತೆಗೆದುಕೊಂಡಿದ್ದಾನೆ. ದಯವಿಟ್ಟು ನನ್ನ ವಸ್ತುಗಳನ್ನು ಹಿಂತಿರುಗಿಸಬಹುದೇ? #ಪ್ರವಾಸಿ ಸಮಸ್ಯೆಗಳು” ಎಂದು ಟ್ವೀಟ್ ಮಾಡಿದ್ದಾರೆ.

ಪ್ರತಿಕ್ರಿಯೆ ನೀಡಿರುವ ಉಬರ್, ನಿಮ್ಮ ಅನುಭವ ಖಂಡಿತವಾಗಿಯೂ ನಮ್ಮ ಮಾನದಂಡಗಳಿಗೆ ಅನುಗುಣವಾಗಿಲ್ಲ. ಸಂಪರ್ಕಿಸಲು ನಾವು ನೇರ ಸಂದೇಶದೊಂದಿದೆ ತಲುಪಿದ್ದೇವೆ. ನಿಮಗೆ ಸರಿಯಾಗಿ ಸಹಾಯ ಮಾಡಲು ನಾವು ಬಯಸುತ್ತೇವೆ ಎಂದಿದೆ.