ಸೇನಾ ಶಿಬಿರದ ಮುಖ್ಯ ದ್ವಾರದ ವರೆಗೆ ಬಂದ ಬೈಕ್‌ ಉಗ್ರರು ಪರಾರಿ

ಜಮ್ಮು : ಸಂಜುವಾನ್‌ ಸೇನಾ ಶಿಬಿರದ ಮೇಲೆ ಜೈಶ್‌ ಎ ಮೊಹಮ್ಮದ್‌ ಉಗ್ರರು ದಾಳಿ ಮಾಡಿ ಹತ್ತು ಮಂದಿಯನ್ನು ಬಲಿ ಪಡೆದ ಮೂರು ದಿನಗಳ ತರುವಾಯ ಇಂದು ಮೋಟಾರ್‌ ಬೈಕಿನಲ್ಲಿ ಇಬ್ಬರು ಉಗ್ರರು ಸೇನಾ ಶಿಬಿರದ ದ್ವಾರದ ವರೆಗೂ ಬಂದರೂ ಅವರು ದಾಳಿ ನಡೆಸುವುದನ್ನು ಯೋಧರು ವಿಫ‌ಲಗೊಳಿಸಿದರು. 

ಇದೀಗ ಯೋಧರು ಬೈಕ್‌ನಲ್ಲಿ ಬಂದು ಪರಾರಿಯಾಗಿರುವ  ಉಗ್ರರಿಗಾಗಿ ತೀವ್ರ ಹುಡುಕಾಟ ನಡೆಸುತ್ತಿದ್ದಾರೆ ಎಂದು ಸೇನಾ ವಕ್ತಾ ಲೆ| ಕ| ದೇವೇಂದ್ರ ಆನಂದ್‌ ತಿಳಿಸಿದ್ದಾರೆ. 

ಇಂದು ನಸುಕಿನ 4.30ರ ಹೊತ್ತಿಗೆ ಜಮ್ಮು ಅಖನೂರ್‌ ರಸ್ತೆಯಲ್ಲಿನ ಸೇನಾ ಶಿಬಿರದ ಮುಖ್ಯ ದ್ವಾರದ ವರೆಗೂ ಬೈಕ್‌ನಲ್ಲಿ ಉಗ್ರರು ಬಂದಿದ್ದರು. ಸೆಂಟ್ರಿ ಕೂಡಲೇ ಅವರ ಮೇಲೆ ಗುಂಡಿನ ದಾಳಿ ನಡೆಸಿದಾಗ ಅವರು ಕಾಲ್ಕಿತ್ತರು ಎಂದು ವಕ್ತಾರ ತಿಳಿಸಿದ್ದಾರೆ.