ಸಚಿವ ಗೋಯಲ್‌ ಮಾಡಿಸಿದ ಸಮೀಕ್ಷೆ : ಬಿಜೆಪಿಗೆ ಎಷ್ಟು ಸೀಟ್‌ ಗೊತ್ತಾ ?

 ಹೊಸದಿಲ್ಲಿ: ಮುಂಬರುವ ಲೋಕಸಭಾ ಚುನಾವಣೆಯ ಕುರಿತಾಗಿ ಕೇಂದ್ರ ಸಚಿವ ಪಿಯೂಷ್‌ ಗೋಯಲ್‌ ಅವರು ಬೃಹತ್‌ ಸಮೀಕ್ಷೆಯೊಂದನ್ನು ಮಾಡಿಸಿದ್ದು, ಬಿಜೆಪಿಗೆ 297 ರಿಂದ 303 ಸ್ಥಾನಗಳು ಲಭ್ಯವಾಗಲಿದೆ ಎಂದು ಸಮೀಕ್ಷಾ ವರದಿ ಹೇಳಿದೆ.

ದೇಶಾದ್ಯಂತ 5.4 ಲಕ್ಷ ಮತದಾರರ ಅಭಿಪ್ರಾಯ ಆಧರಿಸಿದ ದೊಡ್ಡ ಸಮೀಕ್ಷೆಯಲ್ಲಿ ಈ ಅಂಶ ತಿಳಿದು ಬಂದಿದೆ ಎಂದು ಶನಿವಾರ ಗೋಯಲ್‌ ಹೇಳಿದ್ದಾರೆ.

ಇದೇ ರೀತಿಯ ಸರ್ವೇಯನ್ನು 2013 ರಲ್ಲಿ ಗೋಯಲ್‌ ಅವರು ಮಾಡಿಸಿ ಬಿಜೆಪಿಗೆ ಸ್ಪಷ್ಟ ಬಹುಮತ ದೊರಕುತ್ತದೆ ಎಂದು ಹೇಳಿದ್ದರು. ಅದು ನಿಜವಾಗಿತ್ತು ಕೂಡ.

ಈ ಸರ್ವೇಯನ್ನು ಬಿಜೆಪಿ ಮಾಡದೇ ಖಾಸಗಿ ಸಂಸ್ಥೆಯೊಂದರ ಮೂಲಕ ಮಾಧ್ಯಮಗಳನ್ನು ಬಳಸಿಕೊಂಡು ಮಾಡಿಸಲಾಗಿದೆ. 

2014 ರಲ್ಲಿ ಬಿಜೆಪಿ 282 ಸ್ಥಾನಗಳನ್ನು ಗೆಲ್ಲುವ ಮೂಲಕ ಸ್ಪಷ್ಟ ಬಹುಮತ ಪಡೆದಿತ್ತು. ಎನ್‌ಡಿಎ ಮೈತ್ರಿಕೂಟ 336 ಸ್ಥಾನಗಳನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು.