ಚೆನ್ನೈ: ʼಜವಾನ್‌ʼ ಬಳಿಕ ಕಾಲಿವುಡ್‌ ನಿರ್ದೇಶಕ ಅಟ್ಲಿ ಕುಮಾರ್ (Atlee) ಯಾರೊಂದಿಗೆ ಸಿನಿಮಾ ಮಾಡಲಿದ್ದಾರೆ ಎನ್ನುವುದು ಇನ್ನು ಕೂಡ ಕುತೂಹಲದ ವಿಚಾರವಾಗಿಯೇ ಉಳಿದಿದೆ.
‘ಜವಾನ್‌ʼ ಬಳಿಕ ಅಟ್ಲಿ ಅವರಿಗೆ ಬೇಡಿಕೆ ಹೆಚ್ಚಾಗಿದೆ. ಖ್ಯಾತ ನಟರೊಂದಿಗೆ ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿಗಳು ಹರಿದಾಡಿತ್ತು. ದಳಪತಿ ವಿಜಯ್‌, (Thalapathy vijay) ಅಲ್ಲು ಅರ್ಜುನ್ (Allu Arjun) ಅವರ ಹೆಸರು ಕೂಡ ಈ ಸಾಲಿನಲ್ಲಿ ಕೇಳಿ ಬಂದಿತ್ತು.
ಇದಲ್ಲದೆ ಸಲ್ಮಾನ್‌ ಖಾನ್‌, (Salman Khan) ಕಮಲ್‌ ಹಾಸನ್‌ (Kamal Hasan) ಅವರೊಂದಿಗೆ ದೊಡ್ಡಮಟ್ಟದ ಸಿನಿಮಾ ಮಾಡಲಿದ್ದಾರೆ ಎನ್ನಲಾಗಿತ್ತು. ಆದರೆ ಈ ಬಗ್ಗೆ ವದಂತಿಗಳಷ್ಟೇ ಹಬ್ಬಿ, ಮತ್ಯಾವ ಅಪ್ಡೇಟ್ಸ್‌ ಕೂಡ ಬಂದಿಲ್ಲ.
ಸದ್ಯ ಅಟ್ಲಿ ತನ್ನ ಮುಂದಿನ ಪ್ರಾಜೆಕ್ಟ್‌ ಗಾಗಿ ಸ್ಕ್ರಿಪ್ಟ್‌ ಬರೆಯುತ್ತಿದ್ದು,ಈ ಪ್ರಾಜೆಕ್ಟ್‌ ನಲ್ಲಿ ನಟ ಸೂರ್ಯ (Suriya) ಅವರು ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಮಾತು ಕಾಲಿವುಡ್‌ ವಲಯದಲ್ಲಿ ಹರಿದಾಡಿದೆ.
ಇದೊಂದು ಬಿಗ್‌ ಬಜೆಟ್‌ ಸಿನಿಮಾವಾಗಿರಲಿದೆ ಎನ್ನಲಾಗಿದೆ. ಈ ಬಗ್ಗೆ ಕಾಲಿವುಡ್‌ನಲ್ಲಿ ಸುದ್ದಿ ಹರಿದಾಡಿದ ಬೆನ್ನಲ್ಲೇ ಫ್ಯಾನ್ಸ್‌ ಸಖತ್‌ ಎಕ್ಸೈಟ್‌ ಆಗಿದ್ದಾರೆ.
ಆದರೆ ಅಟ್ಲಿ- ಸೂರ್ಯ ಸಿನಿಮಾದ ಸುದ್ದಿ ಹರಿದಾಡಿದ ಬೆನ್ನಲ್ಲೇ ಆಪ್ತ ಮೂಲವೊಂದು ಈ ಸುದ್ದಿಯನ್ನು ತಳ್ಳಿ ಹಾಕಿರುವುದಾಗಿ ಕಾಲಿವುಡ್‌ ಸಿನಿ ವೆಬ್ ಸೈಟ್‌ ಗಳು ವರದಿ ಮಾಡಿದೆ.
ಸನ್‌ ಪಿಕ್ಚರ್ಸ್‌(Sun Pictures) ನೊಂದಿಗೆ ಸೂರ್ಯ ಹಾಗೂ ಅಟ್ಲಿ ಪ್ರತ್ಯೇಕವಾಗಿ ಒಪ್ಪಂದ ಮಾಡಿಕೊಂಡಿದ್ದು, ಇವರಿಬ್ಬರನ್ನು ಒಂದುಗೂಡಿಸಿ ಸಿನಿಮಾ ಮಾಡುತ್ತದೆಯೇ ಎನ್ನುವುದನ್ನು ಕಾದುನೋಡಬೇಕಿದೆ.
ಸದ್ಯ ಸೂರ್ಯ ʼಕಂಗುವʼ (Kanguva) ಸಿನಿಮಾದಲ್ಲಿ ಬ್ಯುಸಿಯಿದ್ದಾರೆ. ಈ ಸಿನಿಮಾ ಅಕ್ಟೋಬರ್‌ 10ರಂದು ರಿಲೀಸ್‌ ಆಗಲಿದೆ.
