ಲಕ್ಸ್‌, ರಿನ್‌, ಸರ್ಫ್ ಎಕ್ಸೆಲ್‌ ದುಬಾರಿ

ಹೊಸದಿಲ್ಲಿ: ಆರ್ಥಿಕ ಸಂಕಷ್ಟವಿರುವಾಗಲೇ ಹಿಂದೂಸ್ಥಾನ್‌ ಯೂನಿಲಿವರ್‌ ಲಿ(ಎಚ್‌ಯುಎಲ್‌) ಉತ್ಪನ್ನಗಳ ಮೇಲಿನ ಬೆಲೆಯನ್ನು ಹೆಚ್ಚಿಸಿದೆ.

ಲಕ್ಸ್‌, ಲೈಫ್ಬಾಯ್‌, ವೀಲ್‌, ಸರ್ಫ್ ಎಕ್ಸೆಲ್‌ ಸೇರಿ ಅನೇಕ ಉತ್ಪನ್ನಗಳ ಬೆಲೆ ಹೆಚ್ಚಾಗಿದೆ. ವೀಲ್‌ ಡಿಟೆರ್ಜೆಂಟ್‌ ದರ ಶೇ.3.5 ಏರಿಕೆಯಾಗಿದೆ. ರಿನ್‌ ಡಿಟರ್ಜೆಂಟ್‌ ಪೌಡರ್‌ ಬೆಲೆಯಲ್ಲಿ ಶೇ.6-8 ಏರಿದೆ. ಹಾಗೆಯೇ ಸಣ್ಣ ಪ್ಯಾಕೆಟ್‌ಗಳ ಬೆಲೆ ಹಾಗೆಯೇ ಇಡಲಾಗಿದ್ದು ಅದರ ತೂಕ ಕಡಿಮೆ ಮಾಡಲಾಗಿದೆ. ಸರ್ಫ್ ಎಕ್ಸೆಲ್‌ ಒಂದು ಕೆಜಿ ಪ್ಯಾಕೆಟ್‌ ಬೆಲೆ 14 ರೂ. ಏರಿಕೆಯಾಗಿದೆ.

ಲಕ್ಸ್‌, ಲೈಫ್ಬಾಯ್‌ ಬೆಲೆಯಲ್ಲಿ ಶೇ. 8-12 ಏರಿಕೆಯಾಗಿದೆ. ಹಣದುಬ್ಬರ ಏರಿಕೆ ಹಿನ್ನೆಲೆಯಲ್ಲಿ ದರ ಏರಿಕೆ ಮಾಡುತ್ತಿದ್ದೇವೆ ಎಂದು ಕಂಪೆನಿ ಹೇಳಿದೆ.