ಮಾಲೇಗಾಂವ್‌ ಬ್ಲಾಸ್ಟ್‌ ಕೇಸ್‌: ಕ|ಪುರೋಹಿತ್‌ಗೆ ಸುಪ್ರೀಂ ಜಾಮೀನು

ಹೊಸದಿಲ್ಲಿ : 2008ರ ಮಾಲೇಗಾಂವ್‌ ಬ್ಲಾಸ್ಟ್‌ ಕೇಸಿನ ಆರೋಪಿಯಾಗಿರುವ ಲೆ| ಕ| ಶ್ರೀಕಾಂತ್‌ ಪ್ರಸಾದ್‌ ಪುರೋಹಿತ್‌ ಗೆ ಸುಪ್ರೀಂ ಕೋರ್ಟ್‌ ಇಂದು ಸೋಮವಾರ, ಮುಂಬಯಿ ಹೈಕೋರ್ಟ್‌ ನ ಈ ಮೊದಲಿನ ಆದೇಶವನ್ನು ಬದಿಗಿರಿಸಿ, ಜಾಮೀನು ಮಂಜೂರು ಮಾಡಿದೆ. 

ಪುರೋಹಿತ್‌ ಗೆ ಮಂಜೂರು ಮಾಡಿರುವ ಜಾಮೀನಿಗೆ ಸುಪ್ರಿಂ ಕೋರ್ಟ್‌ ಶರತ್ತುಗಳನ್ನು ನಮೂದಿಸಿದೆ ಎಂದು ತಿಳಿದು ಬಂದಿದೆ. 

“ನಾನು ರಾಜಕೀಯದಾಟದ ಬಲಿಪಶುವಾಗಿದ್ದೇನೆ. ಕಳೆದ ಒಂಬತ್ತು ವರ್ಷಗಳಿಂದ ನಾನು ಜೈಲಿನಲ್ಲಿದ್ದೇನೆ. ಆದರೆ ಈ  ವರೆಗೂ ಪ್ರಾಸಿಕ್ಯೂಶನ್‌ ನನ್ನ ವಿರುದ್ಧ  ದೋಷಾರೋಪ ದಾಖಲಿಸಿಲ್ಲ’ ಎಂದು ಕ| ಪುರೋಹಿತ್‌ ಕಳೆದ ಆಗಸ್ಟ್‌ 17ರಂದು ಸುಪ್ರೀಂ ಕೋರ್ಟಿಗೆ ಮನವಿ ಮಾಡಿಕೊಂಡಿದ್ದರು. 

ಕ| ಪುರೋಹಿತ್‌ ಅವರ ವಕೀಲ ಹರೀಶ್‌ ಸಾಳ್ವೆ ಅವರಿಂದು ಪುರೋಹಿತ್‌ ಪರವಾಗಿ ಕೋರ್ಟಿನಲ್ಲಿ  ಹಾಜರಾಗಿ ಜಾಮೀನು ಕೋರಿಕೆ ವಿಷಯದಲ್ಲಿ ವಾದಿಸಿದರು.