ಕಾಯ್ದೆ ಜಾರಿ ಬಳಿಕ ಅಪರಾಧ ಎಸಗದಿದ್ದರೆ ಬಂಧನ ಸರಿಯಲ್ಲ: ಸುಪ್ರೀಂ ಕೋರ್ಟ್‌

ನವದೆಹಲಿ: 2019ರಲ್ಲಿ ಗುಜರಾತ್‌ನಲ್ಲಿ ಭಯೋತ್ಪಾದಕ ನಿಗ್ರಹ ಕಾನೂನು ಜಾರಿಯಾದ ಬಳಿಕ ಒಬ್ಬ ವ್ಯಕ್ತಿಯು ಸಂಘಟಿತ ಅಪರಾಧದಲ್ಲಿ ಭಾಗಿಯಾಗಿಲ್ಲ ಎಂದಾದರೆ, ಅದಕ್ಕೂ ಮೊದಲು ಆತ ಮಾಡಿದ ಅಪರಾಧಗಳ ವಿಚಾರಣೆಯನ್ನು ಈ ಕಾಯ್ದೆಯಡಿ ಕೈಗೆತ್ತಿಕೊಳ್ಳುವಂತಿಲ್ಲ ಎಂದು ಸುಪ್ರೀಂ ಕೋರ್ಟ್‌ ಹೇಳಿದೆ.

ಕಾಯ್ದೆಯು ಜಾರಿಯಾದ ಬಳಿಕ ಆತ ಯಾವುದೇ ಕಾನೂನುಬಾಹಿರ ಚಟುವಟಿಕೆಯನ್ನು ನಡೆಸಿಲ್ಲ ಎಂದಾದರೆ, ಕಾಯ್ದೆ ಜಾರಿಯಾಗುವ ಮೊದಲು ಆತ ತಪ್ಪು ಮಾಡಿದ್ದರೂ, ಆ ಕಾಯ್ದೆಯಡಿ ಆತನನ್ನು ಬಂಧಿಸುವುದು ಸರಿಯಲ್ಲ ಎಂದು ನ್ಯಾಯಪೀಠ ಹೇಳಿದೆ.

ಜತೆಗೆ, 2015ರ “ಶಿವಾಜಿ ರಾಮಾಜಿ ಸೋನಾವಾನೆ ವರ್ಸಸ್‌ ಮಹಾರಾಷ್ಟ್ರ ಸರ್ಕಾರ’ ಪ್ರಕರಣದಲ್ಲೂ ಸರ್ವೋಚ್ಚ ನ್ಯಾಯಾಲಯ ಇದೇ ರೀತಿ ತೀರ್ಪು ನೀಡಿತ್ತು ಎಂದೂ ಪ್ರಸ್ತಾಪಿಸಿದೆ.