ಸೂಪರ್‌ ವುಮನ್‌ ಲಿಲ್ಲಿ ಸದ್ಭಾವನಾ ರಾಯಭಾರಿ

ಹೊಸದಿಲ್ಲಿ: ಯೂಟ್ಯೂಬ್‌ನಲ್ಲಿ “ಸೂಪರ್‌ ವುಮನ್‌’ ಎಂದೇ ಖ್ಯಾತರಾಗಿರುವ ಭಾರತೀಯ ಮೂಲದ ಕೆನಡಾ ಪ್ರಜೆ ಲಿಲ್ಲಿ ಸಿಂಗ್‌ರನ್ನು ಯುನಿಸೆಫ್ ಸದ್ಭಾವನಾ ರಾಯಭಾರಿಯನ್ನಾಗಿ ಶನಿವಾರ ನೇಮಿಸಿದೆ.

ಮಕ್ಕಳ ಹಕ್ಕುಗಳಿಗಾಗಿ ಯುನಿಸೆಫ್ ಹಮ್ಮಿ ಕೊಂಡಿರುವ ಹೊಸ ಕಾರ್ಯಕ್ರಮ “ಫಾರ್‌ ಎವ್ರಿ ಚೈಲ್ಡ್‌’ನಲ್ಲಿ ಲಿಲ್ಲಿ ಕಾರ್ಯನಿರ್ವಹಿಸಲಿದ್ದಾರೆ.

ಯುನಿಸೆಫ್ ದಿಲ್ಲಿಯಲ್ಲಿ ಆಯೋಜಿಸಿದ್ದ “ಯೂಥ್‌4ಚೇಂಜ್‌’ ಎಂಬ ಕಾರ್ಯಕ್ರಮವನ್ನು ಬೆಂಬಲಿಸಲು ಲಿಲ್ಲಿ ದಿಲ್ಲಿಗೆ ಆಗಮಿಸಿದ್ದರು. ಈ ವೇಳೆ ಅವರನ್ನು ರಾಯಭಾರಿಯಾಗಿ ನೇಮಿಸಲಾಯಿತು. ಈ ಕುರಿತು ಹರ್ಷ ವ್ಯಕ್ತಪಡಿಸಿರುವ ಲಿಲ್ಲಿ, “ಯುನಿಸೆಫ್ನ ಈ ಕಾರ್ಯಕ್ರಮ ಯಶಸ್ವಿಯಾಗಲು ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇನೆ’ ಎಂದಿದ್ದಾರೆ.