ಮುಂಬಯಿ: ಪಾಕ್‌ ಮೂಲದ ನಟಿ ಮಾಹಿರಾ ಖಾನ್‌ ಮತ್ತು ಯುವನಟ ರಣಬೀರ್‌ ಕಪೂರ್‌ ಅವರ ನ್ಯೂಯಾರ್ಕ್‌ನ ಫೋಟೋಗಳು ಸಾಮಾಜಿಕ ತಾಣಗಳಲ್ಲಿ ಹರಿದಾಡಿ ಭಾರಿ ಸುದ್ದಿಯಾದ ಬೆನ್ನಲ್ಲೇ ಇನ್ನೊಂದು ಹಿರಿಯ ಜೋಡಿಯ ಫೋಟೋ, ವಿಡಿಯೋ ವೈರಲ್ ಆಗಿವೆ.
ಈ ಬಾರಿ ಹಿರಿಯ ನಟ ಸನ್ನಿ ಡಿಯೋಲ್ ಮತ್ತು ಹಿರಿಯ ನಟಿ ಡಿಂಪಲ್‌ ಕಪಾಡಿಯಾ ಅವರು ಜೊತೆಯಾಗಿ ಕೈ ಕೈ ಹಿಡಿದು ಲಂಡನ್‌ನ ಬಸ್‌ಸ್ಟಾಂಡ್‌ನ‌ಲ್ಲಿ ಕುಳಿತಿರುವ ವಿಡಿಯೋ ವೈರಲ್ ಆಗಿದೆ.ವಿಡಿಯೋದಲ್ಲಿ ಡಿಂಪಲ್‌ ಸಿಗರೇಟ್‌ ಸೇದುತ್ತಿರುವುದು ಕಂಡು ಬಂದಿದೆ.
ಸನ್ನಿ ಡಿಯೋಲ್ ಮತ್ತು ಡಿಂಪಲ್‌ ಕಪಾಡಿಯಾ ಜೂನ್‌ ತಿಂಗಳಿನಲ್ಲಿ ಜೊತೆಯಾಗಿ ಮುಂಬಯಿ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದು, ಈ ವಿಡಿಯೋ 2 ತಿಂಗಳ ಹಿಂದಿನದ್ದು ಎನ್ನಲಾಗಿದೆ.
60 ರ ಸಮಪ್ರಾಯದ ಸನ್ನಿ ಮತ್ತು ಡಿಂಪಲ್‌ ಇಬ್ಬರೂ ಉತ್ತಮ ಸ್ನೇಹಿತರಾಗಿದ್ದು, ಹಲವು ಚಿತ್ರಗಳಲ್ಲಿ ಜೊತೆಯಾಗಿ ನಟಿಸಿ ಯಶಸ್ಸು ಗಳಿಸಿದ್ದರು. ಜೋಡಿ ಜೊತೆಯಾಗಿ ನಟಿಸಿದ್ದ ‘ಮಂಝಿಲ್‌ ಮಂಝಿಲ್‌’ , ‘ಗುನಾ’, ‘ಅರ್ಜುನ್‌’, ‘ಆಗ್‌ ಕಾ ಗೋಲಾ’ ಹೆಸರು ಮಾಡಿದ ಚಿತ್ರಗಳು.
ಡಿಂಪಲ್‌ ಪತಿ ಸೂಪರ್‌ ಸ್ಟಾರ್‌ ರಾಜೇಶ್‌ ಖನ್ನಾ ಅವರು ವಿಧಿವಶರಾಗಿದ್ದಾರೆ.ಸನ್ನಿಗೆ ಪೂಜಾ ಡಿಯೋಲ್ ಪತ್ನಿಯಾಗಿದ್ದು, ಕರಣ್‌ ಮತ್ತು ರಾಜ್‌ವೀರ್‌ ಎನ್ನುವ ಇಬ್ಬರು ಪುತ್ರರಿದ್ದಾರೆ.
