Sunil Chhetri: ಇಂದು ವಿದಾಯ ಪಂದ್ಯ ಆಡುವ ಸುನೀಲ್‌ ಛೇತ್ರಿ

ಕೋಲ್ಕತಾ: ಕ್ರಿಕೆಟ್‌ ಪ್ರೇಮಿಗಳ ನಾಡಿನಲ್ಲಿ ಫ‌ುಟ್‌ಬಾಲ್‌ ಪ್ರೀತಿಯನ್ನು ಅರಳಿಸಿದ ಖ್ಯಾತ ಆಟಗಾರ ಸುನೀಲ್‌ ಛೇತ್ರಿ ಗುರುವಾರ ಕೊನೆಯ ಸಲ ಅಂತಾರಾಷ್ಟ್ರೀಯ ಪಂದ್ಯವಾಡಲು ಕಣಕ್ಕಿಳಿಯಲಿದ್ದಾರೆ. ಇದು ಕುವೈಟ್‌ ವಿರುದ್ಧ ಕೋಲ್ಕತಾದ “ಸಾಲ್ಟ್ಲೇಕ್‌ ಸ್ಟೇಡಿಯಂ’ ನಲ್ಲಿ ನಡೆಯುವ ಫಿಫಾ ವಿಶ್ವಕಪ್‌ ಅರ್ಹತಾ ಸುತ್ತಿನ ಮುಖಾಮುಖೀಯಾಗಿದ್ದು, ಭಾರತ ಮುಂದಿನ ಸುತ್ತು ಪ್ರವೇಶಿಸಬೇಕಾದರೆ ಗೆಲ್ಲಲೇಬೇಕಿದೆ. ಛೇತ್ರಿಗೆ ಗೆಲುವಿಗಿಂತ ಮಿಗಿಲಾದ ಉಡುಗೊರೆ ಬೇರೊಂದಿರಲಾರದು.

ನಾಯಕನೂ ಆಗಿರುವ 38 ವರ್ಷದ ಛೇತ್ರಿ ಕೆಲವು ವಾರ ಗಳ ಹಿಂದೆ ವಿದಾಯ ಘೋಷಿಸಿದ್ದರು. 150 ಪಂದ್ಯಗಳಿಂದ 94 ಗೋಲು ಹೊಡೆದ ಹಿರಿಮೆ ಇವರದು.
ಕುವೈಟ್‌ ವಿರುದ್ಧ ಭಾರತ ಗೆಲುವಿನ ಬಾವುಟ ಹಾರಿಸ ಬೇಕೆಂಬ ಗುರಿ ಛೇತ್ರಿ ಅವರದು. ಆಗ ಭಾರತ ವಿಶ್ವಕಪ್‌ ಅರ್ಹತಾ ಸುತ್ತಿನಲ್ಲಿ ಮೊದಲ ಬಾರಿಗೆ ಅಂತಿಮ 18ರ ಸುತ್ತು ಪ್ರವೇಶಿಸಲಿದೆ. “ಎ’ ವಿಭಾಗದಲ್ಲಿ ಕತಾರ್‌ ಅಗ್ರಸ್ಥಾನ ದಲ್ಲಿದ್ದು (12 ಅಂಕ), ಭಾರತ 4 ಅಂಕಗಳೊಂದಿಗೆ 2ನೇ ಸ್ಥಾನದಲ್ಲಿದೆ.