SAFF Championship: ನೇಪಾಲ ವಿರುದ್ಧ ಜಯ; ಸೆಮಿಫೈನಲ್‌ ಪ್ರವೇಶಿಸಿದ ಭಾರತ

ಬೆಂಗಳೂರು: ಸ್ಯಾಫ್ ಫ‌ುಟ್‌ಬಾಲ್‌ ಪಂದ್ಯಾವಳಿಯಲ್ಲಿ ಸತತ ಎರಡನೇ ಗೆಲುವು ಸಾಧಿಸಿದ ಭಾರತ ಸೆಮಿಫೈನಲ್‌ ಪ್ರವೇಶಿಸಿದೆ. ಶನಿವಾರ “ಶ್ರೀ ಕಂಠೀರವ ಸ್ಟೇಡಿ ಯಂ’ನಲ್ಲಿ ನಡೆದ ದ್ವಿತೀಯ ಮುಖಾ ಮುಖೀಯಲ್ಲಿ ಸುನೀಲ್‌ ಚೆಟ್ರಿ ಪಡೆ 2-0 ಅಂತರದ ನೇಪಾಲವನ್ನು ಮಣಿಸಿತು. ಮೊದಲ ಪಂದ್ಯದಲ್ಲಿ ಪಾಕಿಸ್ಥಾನವನ್ನು 4-0 ಅಂತರದಿಂದ ಬಗ್ಗುಬಡಿದಿತ್ತು.

ಭಾರತದ ಪಾಲಿಗೆ ನೇಪಾಲದ ಸವಾಲು ಪಾಕಿಸ್ಥಾನಕ್ಕಿಂತ ಬಿಗಿಯಾ ದಂತೆ ಕಂಡುಬಂತು. ಮೊದಲಾರ್ಧ ದಲ್ಲಿ ಯಾವ ತಂಡಕ್ಕೂ ಗೋಲು ಗಳಿಕೆ ಸಾಧ್ಯವಾಗಲಿಲ್ಲ. ವಿರಾಮದ ಬಳಿಕವೂ ಪೈಪೋಟಿ ತೀವ್ರಗೊಂಡಿತು. ಭಾರತ ಗೋಲು ಖಾತೆ ತೆರೆಯುವಾಗ ಆಗಲೇ ಒಂದು ಗಂಟೆಯ ಆಟ ಕಳೆದಿತ್ತು. ನಾಯಕ ಸುನೀಲ್‌ ಚೆಟ್ರಿ 61ನೇ ನಿಮಿಷದಲ್ಲಿ ಮೊದಲ ಗೋಲು ಬಾರಿಸಿದರು. 70ನೇ ನಿಮಿಷದಲ್ಲಿ ಮಹೇಶ್‌ ಸಿಂಗ್‌ ಗೋಲು ಹೊಡೆದು ಅಂತರವನ್ನು ಹೆಚ್ಚಿಸಿದರು.