ರವಿವಾರದ ಲಾಕ್‌ಡೌನ್ : ಮಡಿಕೇರಿ ಸಂಪುರ್ಣ ಸ್ತಬ್ಧ

ಮಡಿಕೇರಿ: ರವಿವಾರದ ಸಂಪುರ್ಣ ಲಾಕ್‌ಡೌನ್‌ಗೆ ಅನುಗುಣವಾಗಿ ಕೊಡಗು ಜಿಲ್ಲೆಯಲ್ಲಿ ಬಹುತೇಕ ವ್ಯಾಪಾರ ವಹಿವಾಟು, ಜನ- ವಾಹನ ಸಂಚಾರಗಳಿಲ್ಲದೆ ಸ್ತಬ್ಧಗೊಂಡಿತ್ತು. ಶನಿವಾರ ಸಂಜೆಯಿಂದಲೇ ಸಂಪೂರ್ಣ ಲಾಕ್‌ ಡೌನ್‌ ಜಾರಿಗೆ ಬಂದಿದ್ದು, ರವಿವಾರದಂದು ಮಡಿಕೇರಿಯಲ್ಲಿ ಹಾಲಿನ ಅಂಗಡಿಗಳು ಬೆಳಗ್ಗೆ 10 ಗಂಟೆಯವರೆಗೆ ತೆರೆದಿತ್ತು. ದಿನಸಿ ಅಂಗಡಿಗಳನ್ನು ತೆರೆಯಲು ಅವಕಾಶ ಒದಗಿಸ ಲಾಗಿತ್ತಾದರು, ನಗರದ ಬಹು ತೇಕ ದಿನಸಿ ಅಂಗಡಿಗಳು ಮುಚ್ಚಲ್ಪಟ್ಟಿದ್ದವು.