ಭಾನುವಾರ ಉತ್ತರ ಪ್ರದೇಶ ಲಾಕ್ ಡೌನ್ : ಮಾಸ್ಕ್ ಹಾಕದಿದ್ದರೆ 10,000 ದಂಡ!

ಉತ್ತರ ಪ್ರದೇಶ :  ಕೋವಿಡ್-19 ಸೋಂಕು ಹೆಚ್ಚಳದ ಹಿನ್ನೆಲೆಯಲ್ಲಿ ಉತ್ತರಪ್ರದೇಶ ಸರ್ಕಾರವು ಹೊಸ ನಿಯಮಗಳನ್ನು ಜಾರಿಗೆ ತರುತ್ತಿದ್ದು, ಭಾನುವಾರ ಅಗತ್ಯ ವಸ್ತುಗಳನ್ನು ಹೊರತು ಪಡಿಸಿ ಎಲ್ಲವೂ ಲಾಕ್ ಡೌನ್ ಆಗಲಿದೆ.

ಇನ್ನು ಕೋವಿಡ್ ನಿಯಂತ್ರಣಕ್ಕೆ ಕಠಿಣ ಕ್ರಮಗಳನ್ನು ಕೈಗೊಳ್ಳುತ್ತಿರುವ ಯೋಗಿ ಸರ್ಕಾರ ಮಾಸ್ಕ್ ಧರಿಸದೇ ಇರುವವರಿಗೆ 10,000 ರೂ. ದಂಡ ವಿಧಿಸಬಹುದು ಎಂದು ತಿಳಿಸಿದೆ. ಮೊದಲ ಬಾರಿಗೆ ಮಾಸ್ಕ್ ಹಾಕದಿದ್ದರೆ ಒಂದು ಸಾವಿರ ರೂ. ದಂಡವನ್ನು ಹಾಕಲಾಗುತ್ತದೆ. ಅದೇ ವ್ಯಕ್ತಿ ಮಾಸ್ಕ್ ಹಾಕದೆ ಮತ್ತೆ ಸಿಕ್ಕಿಕೊಂಡರೆ ಬರೋಬ್ಬರಿ 10,000 ರೂ. ದಂಡ ವಿಧಿಸಲಾಗುತ್ತದೆ ಎಂದು ಆದೇಶ ಹೊರಡಿಸಲಾಗಿದೆ.

ಕೋವಿಡ್ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ಮೇ 15 ರವರೆಗೂ ಶಾಲೆಗಳನ್ನು ಮುಚ್ಚುವುದಾಗಿ ನಿನ್ನೆಯೇ ಘೋಷಿಸಲಾಗಿತ್ತು. ಗುರುವಾರ ಉತ್ತರ ಪ್ರದೇಶದಲ್ಲಿ 22,439 ಹೊಸ ಕೋವಿಡ್ ಪ್ರಕರಣಗಳು ದಾಖಲಾಗಿದ್ದು, 104 ಮಂದಿ ಮೃತಪಟ್ಟಿದ್ದಾರೆ.