ಕೊರೊನಾ ವೈರಸ್ ಎಚ್ಚರಿಕೆ ಮಧ್ಯೆಯೂ ಸಂಡೇ ಮಾರ್ಕೆಟ್ ಬಲುಜೋರು: ಅಧಿಕಾರಿಗಳು ನಿರ್ಲಕ್ಷ್ಯ

ಗಂಗಾವತಿ: ಕೊರೊನಾ ವೈರಸ್ ಹರಡದಂತೆ ಮುನ್ನೆಚ್ಚರಿಕಾ ಕ್ರಮವಾಗಿ ಜಿಲ್ಲೆಯಲ್ಲಿ ಸಂತೆ ಜಾತ್ರೆ ಧಾರ್ಮಿಕ ಸೇರಿದಂತೆ ಹೆಚ್ಚಾಗಿ ಜನರು ಸೇರದಂತೆ ಜಿಲ್ಲಾಧಿಕಾರಿ ಆದೇಶ ಹೊರಡಿಸಿದ್ದರೂ ನಗರದ ಜುಲೈ ನಗರ ರಸ್ತೆಯಲ್ಲಿ ಸಂಡೇ ಮಾರ್ಕೆಟ್ ನಲ್ಲಿ ಹಳೆಯ ಬೈಕ್ ಗಳ ಮಾರಾಟದ ಮೇಳ ನಡೆಯುತ್ತಿದೆ.

ರಸ್ತೆಯ ಎರಡು ಬದಿಯಲ್ಲಿರುವ ಗ್ಯಾರೇಜ್ ಗಳ‌ ಮುಂದೆ ಬೈಕ್ ಗಳನ್ನಿಟ್ಟು ಮಾರಾಟ ನಡೆಯುತ್ತಿದ್ದು ಬಳ್ಳಾರಿ, ಕಂಪ್ಲಿ, ಹೊಸಪೇಟೆ, ಸಿಂಧನೂರು, ಕೊಪ್ಪಳ ಹಗರಿಬೊಮ್ಮನಹಳ್ಳಿ ಸೇರಿದಂತೆ ಹುಬ್ಬಳ್ಳಿ ಯಿಂದ ಬೈಕ್ ಗಳನ್ನು ಕೊಳ್ಳುವವರು ಆಗಮಿಸಿದ್ದಾರೆ.

ಪ್ರತಿವಾರದ ಸಂತೆಯನ್ನು ನಿಷೇಧ ಮಾಡಿದ್ದರೂ ಸಂತೆ ಬಯಲು ಡೇಲಿ‌ಮಾರ್ಕೆಟ್ ಹಾಗು ದುರುಗಮ್ಮನಹಳ್ಳದ ಎರಡು ಕಡೆಯಲ್ಲಿ ಸಂತೆ ನಡೆಯುತ್ತಿದ್ದು ತರಕಾರಿಗಳನ್ನು ಅಗತ್ಯ ವಸ್ತು ಖರೀದಿಸಲು ಜನರು ಸೇರಿದ್ದಾರೆ. ಇದನ್ನು ತಡೆಯ ಬೇಕಾದ ನಗರಸಭೆ, ಕಂದಾಯ, ಆರೋಗ್ಯ ಮತ್ತು ಪೊಲೀಸ್ ಇಲಾಖೆ ಅಧಿಕಾರಿಗಳು ನೋಡಿಯು ನೋಡದಂತೆ ಹೋಗುತ್ತಿದ್ದಾರೆ.